కొత్త దర్శకులతో మంచి హిట్ చిత్రాలు చేసే హీరోలు చాలా తక్కువమంది అంటారు. అందులో హీరో నాని ముందు వరుసలో ఉన్నాడు అని చెప్పాలి. నాని 2023లో దసరా, హాయ్ నాన్న చిత్రాలతో ప్రేక్షకులను అలరించారు. ఈ రెండు చిత్రాలు బాక్సాఫీస్ వద్ద మంచి వసూళ్లను కూడా రాబట్టాయి. ఈ చిత్రాలకి దర్శకత్వం వహించిన శ్రీకాంత్ ఓదెల మరియు శౌర్యువ్ లు ఫిల్మ్ ఫేర్ అవార్డులను గెలుపొందారు. అది కూడా నాని చిత్రాలకి. ఈ విషయం పట్ల పలువురు సినీ ప్రముఖులు హర్షం వ్యక్తం చేస్తున్నారు.
టాలీవుడ్ ప్రముఖ దర్శకుడు హరీష్ శంకర్ హీరో నానికి వందనాలు తెలిపారు. కంటెంట్ పై బలమైన నమ్మకం, కొత్త ప్రతిభ పై ఉన్న ఉన్న విశ్వాసం కి ఇలా పొగడ్తల వర్షం కురిపించారు. ఇలాంటి దర్శకులు మరెందరో రావాలి సర్ అంటూ హరీష్ శంకర్ పోస్ట్ లో తెలిపాడు. నాని పై చేసిన ఈ పోస్ట్ సోషల్ మీడియాలో కొద్ది సేపటికే వైరల్ గా మారుతోంది. నాని తదుపరి సరిపోదా శనివారం చిత్రంలో కనిపించనున్నాడు. మరొక పక్క హరీష్ శంకర్ మిస్టర్ బచ్చన్ చిత్రంతో ఈ 15 వ తేదీన ప్రేక్షకులను అలరించనున్నాడు.
