టాలీవుడ్ లో తెర‌కెక్కిన లేటెస్ట్ యూత్ఫుల్ ఎంట‌ర్టైన‌ర్ మూవీ ‘క‌మిటీ కుర్రోళ్ళు’ ఇప్ప‌టికే ప్రేక్ష‌కుల్లో మంచి బ‌జ్ ను క్రియేట్ చేసింది. ఈ సినిమాను మెగా డాట‌ర్ నిహారిక ప్రొడ్యూస్ చేస్తుండ‌టంతో సినీ స‌ర్కిల్స్ లోనూ ఈ సినిమాపై ఆస‌క్తి ఏర్ప‌డింది. ఇక ఈ చిత్ర టీజ‌ర్, ట్రైల‌ర్లు ఈ సినిమాలో మంచి కంటెంట్ ఉండ‌నుంద‌ని ప్రూవ్ చేశాయి. రిలీజ్ కి ద‌గ్గ‌ర‌వుతున్న ఈ సినిమా ప్ర‌మోషన్స్ శ‌ర‌వేగంగా జ‌రుగుతున్నాయి.
ఇందులో భాగంగా నేడు ఈ చిత్ర ప్రీ-రిలీజ్ ఈవెంట్ ను ఘనంగా నిర్వ‌హించేందుకు మేక‌ర్స్ సిద్ధ‌మ‌య్యారు. ఈ వేడుక‌ను పిఠాపురంలో నిర్వ‌హిస్తుండ‌టంతో అంద‌రి చూపు ఇప్పుడు ఈ ఈవెంట్ పై ప‌డింది. ఇక ఈ ఈవెంట్ కు ఒక‌రు కాదు ఇద్ద‌రు కాదు.. ఏకంగా ముగ్గురు హీరోలు గెస్టులుగా వ‌స్తున్న‌ట్లు చిత్ర యూనిట్ తెలిపింది. మెగా ప్రిన్స్ వ‌రుణ్ తేజ్, యంగ్ హీరో అడివి శేష్, సుప్రీం హీరో సాయి దుర్గ తేజ్ లు క‌లిసి ఈ సినిమా ప్రీ-రిలీజ్ ఈవెంట్ కు రానున్నారు.
దీంతో ఈ వేడుక ఎంత గ్రాండ్ గా జ‌ర‌గ‌బోతుందో అర్థం చేసుకోవచ్చు. ఇక ఈ సినిమాను య‌దు వంశీ డైరెక్ట్ చేయ‌గా అనుదీప్ దేవ్ సంగీతం అందిస్తున్నాడు. ఈ చిత్రాన్ని ఆగ‌స్టు 9న ప్ర‌పంచ‌వ్యాప్తంగా రిలీజ్ చేసేందుకు మేక‌ర్స్ రెడీ అయ్యారు.
