కంప్లీట్ ఫ‌న్ ఎంట‌ర్టైన‌ర్ గా ‘ఆయ్’ ట్రైల‌ర్

టాలీవుడ్ లో తెర‌కెక్కుతున్న క్రేజీ ప్రాజెక్టుల్లో ‘ఆయ్’ మూవీ కూడా ఒక‌టి. వినూత్న‌మైన‌ టైటిల్ తోనే ఈ సినిమా ప్రేక్ష‌కుల్లో సాలిడ్ అంచ‌నాలను క్రియేట్ చేసింది. ఇక ఈ సినిమాను మంచి టేస్ట్ ఉన్న నిర్మాత బ‌న్నీ వాస్ ప్రొడ్యూస్ చేస్తుండ‌టంతో ఈ మూవీపై పాజిటివ్ వైబ్స్ క్రియేట్ అయ్యాయి. దీనికి త‌గ్గ‌ట్టుగానే ఈ చిత్ర పోస్ట‌ర్స్, టీజ‌ర్స్ ఆడియెన్స్ ను ఆక‌ట్టుకున్నాయి. తాజాగా ఈ చిత్ర థియేట్రిక‌ల్ ట్రైల‌ర్ ను మేక‌ర్స్ రిలీజ్ చేశారు.

గోదావ‌రి నేప‌థ్యంలో సాగే పూర్తి యూత్ఫుల్ ఎంట‌ర్టైన‌ర్ గా ఈ సినిమా రానుంద‌ని ఈ ట్రైల‌ర్ చూస్తే అర్థ‌మ‌వుతోంది. చిన్న‌ప్ప‌టి నుంచి స్నేహితులుగా ఉన్న హీరో అండ్ ఫ్రెండ్స్ ఆక‌తాయిలుగా త‌మ ఊరిలో అల్ల‌రి చిల్ల‌రిగా జీవిస్తుంటారు. ఇక టౌన్ నుంచి వ‌చ్చిన హీరోయిన్ తో హీరో ప్రేమ‌లో ప‌డటంతో వారి జీవితంలో ఎలాంటి మ‌లుపులు తిరుగుతాయి అనేది ఈ సినిమాలో క‌థ‌గా మ‌న‌కు చూపించ‌బోతున్న‌ట్లు ట్రైల‌ర్ లో రివీల్ చేశారు.

ఈ క‌థ‌ ఆద్యంతం ఫ‌న్నీ ఎలిమెంట్స్ తో ప్రేక్ష‌కుల‌ను పూర్తిగా ఎంట‌ర్టైన్ చేయ‌నుంద‌ని ఈ ట్రైల‌ర్ ప్రూవ్ చేసింది. ఇక హీరో అండ్ ఫ్రెండ్స్ చేసే అల్ల‌రికి యూత్ బాగా క‌నెక్ట్ అవుతార‌ని.. ఈ సినిమా అన్ని వ‌ర్గాల ప్రేక్ష‌కుల‌ను పూర్తిగా ఆక‌ట్టుకుంటుంద‌ని మేక‌ర్స్ కాన్ఫిడెంట్ గా ఉన్నారు. నార్నె నితిన్, న‌య‌న్ సారిక హీరోహీరోయిన్లుగా న‌టిస్తున్న‌ ఈ సినిమాను అంజి కె మ‌ణిపుత్ర డైరెక్ట్ చేస్తుండ‌గా.. రామ్ మిర్యాల సంగీతం అందిస్తున్నాడు. ఈ సినిమా ప్రీమియ‌ర్లు ఆగ‌స్టు 15న వేయ‌నున్న‌ట్లు మేక‌ర్స్ వెల్ల‌డించారు.

వీడియో కోసం ఇక్క‌డ క్లిక్ చేయండి