మాస్ కా దాస్ విశ్వ‌క్ సేన్ న‌టిస్తున్న లేటెస్ట్ యాక్షన్ ఎంట‌ర్టైన‌ర్ మూవీ ‘మెకానిక్ రాకీ’ ప్ర‌స్తుతం శ‌ర‌వేగంగా షూటింగ్ జ‌రుపుకుంటోంది. ఈ సినిమాను ర‌వితేజ ముళ్ల‌పూడి డైరెక్ట్ చేస్తుండ‌గా, ఈ సినిమాలో విశ్వ‌క్ పాత్ర ప‌వ‌ర్ఫుల్ గా ఉండ‌నుంద‌ని చిత్ర యూనిట్ చెబుతోంది. ఇక ఇప్ప‌టికే ఈ సినిమా నుండి రిలీజైన ప‌లు పోస్ట‌ర్స్ ఈ సినిమా పాజిటివ్ వైబ్స్ క్రియేట్ చేశాయి.
తాజాగా ఈ సినిమా నుంచి ఫస్ట్ సింగిల్ సాంగ్ పై మేక‌ర్స్ అప్డేట్ ఇచ్చారు. ”గుల్లెడు గుల్లెడు” అంటూ సాగే ఈ ఫస్ట్ సింగిల్ సాంగ్ ని ఆగ‌స్టు 7న సాయంత్రం 4.04 గంట‌ల‌కు రిలీజ్ చేయ‌బోతున్నట్లు మేక‌ర్స్ ప్ర‌క‌టించారు. ఈ చిత్రానికి జేక్స్ బిజోయ్ సంగీతం అందిస్తున్నాడు.
ఇక ఈ సినిమాలో అందాల భామ‌లు మీనాక్షి చౌద‌రి, శ్ర‌ద్ధా శ్రీ‌నాధ్ హీరోయిన్లుగా న‌టిస్తున్నారు. ఈ సినిమాను ఎస్ఆర్టీ ఎంట‌ర్టైన్మెంట్స్ బ్యాన‌ర్ పై రామ్ తాళ్ళూరి ప్రొడ్యూస్ చేస్తున్నారు. మెకానిక్ రాకీ చిత్రాన్ని దీపావ‌ళి కానుక‌గా అక్టోబ‌ర్ 31న రిలీజ్ చేయ‌నున్నారు.
