మెగాస్టార్ చిరంజీవి న‌టిస్తున్న తాజా చిత్రం ”విశ్వంభ‌ర” ప్ర‌స్తుతం శ‌ర‌వేగంగా షూటింగ్ జ‌రుపుకుంటోంది. ఈ సినిమాను ద‌ర్శ‌కుడు వ‌శిష్ట పూర్తి సోషియో ఫాంట‌సీ మూవీగా తెర‌కెక్కిస్తున్నాడు. ఈ సినిమాలో చిరంజీవి స‌రికొత్త లుక్ లో క‌నిపిస్తున్నాడు. ఇప్ప‌టికే రిలీజైన ఈ మూవీ పోస్ట‌ర్స్ ప్రేక్ష‌కుల్లో మంచి బ‌జ్ క్రియేట్ చేశాయి.
ఈ సినిమాలో అందాల భామలు త్రిష, మీనాక్షి చౌద‌రి హీరోయిన్లుగా న‌టిస్తున్నారు. కాగా యంగ్ బ్యూటీ అషికా రంగ‌నాథ్ నేడు పుట్టిన‌రోజు జ‌రుపుకుంటున్న సంగ‌తి తెలిసిందే. దీంతో ఆమెకు విశ్వంభ‌ర టీమ్ బ‌ర్త్ డే విషెస్ చెబుతూ ఓ స్పెష‌ల్ పోస్ట‌ర్ రిలీజ్ చేశారు. దీంతో ఈ సినిమాలో ఆమె కూడా న‌టిస్తుంద‌నే విష‌యాన్ని వారు క‌న్ఫ‌ర్మ్ చేశారు.
ఇక ఈ సినిమాకు ఎంఎం.కీర‌వాణి సంగీతం అందిస్తుండ‌గా, యువీ క్రియేష‌న్స్ ఈ చిత్రాన్ని భారీ బ‌డ్జెట్ తో ప్రొడ్యూస్ చేస్తోంది. ఈ సినిమాను సంక్రాంతి కానుక‌గా రిలీజ్ చేసేందుకు మేక‌ర్స్ ప్లాన్ చేస్తున్నారు.
