మన టాలీవుడ్ మ్యాన్ ఆఫ్ మాసెస్ ఎన్టీఆర్ హీరోగా ఇప్పుడు దర్శకుడు కొరటాల శివతో భారీ పాన్ ఇండియా చిత్రం “దేవర” చేస్తున్న సంగతి అందరికీ తెలిసిందే. ఇక ఈ చిత్రం తర్వాత మరిన్ని క్రేజీ ప్రాజెక్ట్ లతో తారక్ పలకరించనుండగా ఈ చిత్రాల్లో సెన్సేషనల్ ప్రాజెక్ట్ దర్శకుడు ప్రశాంత్ నీల్ తో చేయనున్న సినిమా కూడా ఒకటి. ఇది ఎన్టీఆర్ కెరీర్ 31వ సినిమాగా ప్లాన్ చేస్తున్న ఈ సినిమాపై ఎప్పుడు నుంచో భారీ అంచనాలు ఉన్నాయి.
అయితే ఈ చిత్రం ఎప్పుడెప్పుడు మొదలవుతుందా అని చేస్తున్న ఫ్యాన్స్ కి ఇప్పుడు గుడ్ న్యూస్ వినిపిస్తుంది. ఈ అవైటెడ్ కాంబినేషన్ లో సినిమా ఈ ఆగస్ట్ 9న అట్టహాసంగా హైదరాబాద్ లో లాంఛ్ కానున్నట్టుగా తెలుస్తుంది. ఇంకా దీనిపై అధికారిక క్లారిటీ ఇంకా రావాల్సి ఉంది. మరి ఈ బిగ్గెస్ట్ కాంబినేషన్ ని మైత్రి మూవీ మేకర్స్ ఎన్టీఆర్ ఆర్ట్స్ వారు సంయుక్తంగా నిర్మాణం వహించిన సంగతి తెలిసిందే. అలాగే ఈ చిత్రానికి నీల్ సినిమాటిక్ యూనివర్స్ కి లింక్ ఉంటుంది అని కొన్ని రూమర్స్ ఉన్నాయి.
