”గుల్లెడు గుల్లెడు” సాంగ్ ప్రోమో.. ఫోక్ ట్రీట్ ఖాయం!

టాలీవుడ్ లో తెర‌కెక్కుతున్న క్రేజీ చిత్రాల్లో మాస్ కా దాస్ విశ్వ‌క్ సేన్ న‌టిస్తున్న ‘మెకానిక్ రాకీ’ మూవీపై ప్రేక్ష‌కుల్లో మంచి బ‌జ్ క్రియేట్ అయ్యింది. ఈ సినిమాను ర‌వితేజ ముళ్ళ‌పూడి డైరెక్ట్ చేస్తుండ‌గా, పూర్తి మాస్ యాక్ష‌న్ ఎంట‌ర్టైట‌న‌ర్ గా ఈ సినిమా రానుంది. ఇక ఈ సినిమా నుంచి ఫ‌స్ట్ సింగిల్ సాంగ్ కు మేక‌ర్స్ టైమ్ ఫిక్స్ చేసిన సంగతి తెలిసిందే.

అయితే, ఈ సాంగ్ కి సంబంధించిన ప్రోమోను మేక‌ర్స్ తాజాగా రిలీజ్ చేశారు. సుద్ధాల అశోక్ తేజ త‌న‌దైన లిరిక్స్ తో ఆక‌ట్టుకునే విధంగా ఈ పాట‌ను రాయ‌గా, మ్యూజిక్ డైరెక్ట‌ర్ జేక్స్ బిజోయ్ అదిరిపోయే ఫోక్ బీట్స్ తో ఈ పాట‌ను నెక్ట్స్ లెవెల్ కు తీసుకెళ్ల‌నున్న‌ట్లు ఈ ప్రోమో చూస్తే అర్థ‌మవుతోంది. సింగ‌ర్ మంగ్లీ మ‌రోసారి త‌న వాయిస్ తో ఈ పాట ఇన్స్టంట్ హిట్ చేయ‌డం ఖాయంగా క‌నిపిస్తుంది.

మొత్తానికి మాస్ కా దాస్ ఓ ప్యూర్ ఫోక్ సాంగ్ తో ఆడియెన్స్ కు ట్రీట్ ఇచ్చేందుకు సిద్ధ‌మైన‌ట్లు తెలుస్తోంది. ఇక ఈ పాట‌ను ఆగ‌స్టు 7న సాయంత్రం 4.04 గంట‌ల‌కు రిలీజ్ చేయ‌నున్నారు. ఈ సినిమాలో అందాల భామ‌లు మీనాక్షి చౌద‌రి, శ్ర‌ద్ధా శ్రీ‌నాథ్ హీరోయిన్లుగా న‌టిస్తున్నారు. రామ్ తాళ్ళూరి ఈ సినిమాను ప్రొడ్యూస్ చేస్తున్నారు.