నటసింహం నందమూరి బాలకృష్ణ హీరోగా ప్రస్తుతం దర్శకుడు బాబీ కొల్లితో ఓ సినిమా చేస్తున్న సంగతి తెలిసిందే. ఇది బాలయ్య కెరీర్ లో 109వ సినిమాగా చేస్తుండగా దీనిపై భారీ అంచనాలు నెలకొన్నాయి. అయితే ఈ చిత్రం తర్వాత బాలయ్య నుంచి మరిన్ని ఇంట్రెస్టింగ్ ప్రాజెక్ట్ లు లైనప్ లో ఉండగా వీటిలో తాజాగా ఒక ఊహించని రీమేక్ లో అయితే బాలయ్య కనిపించనున్నారు అనే కొన్ని రూమర్స్ ఆసక్తిగా మారాయి.
మరి మళయాళ సెన్సేషనల్ హిట్ “ఆవేశం” తెలుగు రీమేక్ లో అయితే బాలయ్య నటిస్తున్నట్టుగా వచ్చిన కొన్ని రూమర్స్ సినీ వర్గాల్లో అభిమానుల్లో వైరల్ గా మారాయి. అయితే ఈ రూమర్స్ కి ఇంట్రెస్టింగ్ గా బాలయ్య ఫ్యాన్స్ నుంచి పాజిటివ్ రెస్పాన్స్ వస్తుంది. చాలా వరకు అభిమానులు ఈ రీమేక్ బాలయ్య చేస్తే బాగుంటుంది అని అనుకుంటున్నారు.
ఫహద్ ఫాజిల్ చేసిన రోల్ కి బాలయ్య పర్ఫెక్ట్ గా సెట్ అవుతారు ఈ రీమేక్ చేసినా ఎలాంటి ఇబ్బంది లేదని వారు ఫీల్ అవుతున్నారు. మరి ఈ టైం లో ఓ స్టార్ హీరో రీమేక్ విషయంలో ఫ్యాన్స్ ఆసక్తి కనబర్చడం అనేది మంచి సూచనే అని చెప్పాలి. మరి ఈ క్రేజీ ప్రాజెక్ట్ పై ఏమన్నా అధికారిక క్లారిటీ వస్తుందేమో చూడాలి
