కుమారదేవం గోదారొడ్డున ఉన్నటువంటి సినిమా చెట్టు కూలిపోయింది. దాదాపు 150 ఏళ్లనాటి ఈ సినిమా చెట్టు వద్ద వందల సినిమాల షూటింగులు జరిగాయి. అయితే ఈ చెట్టు కూలిపోవడం పట్ల సినీ పరిశ్రమకి చెందిన కొందరు ప్రముఖులు, అభిమానులు విచారం వ్యక్తం చేస్తున్నారు. దర్శకుడు వంశీ దర్శకత్వంలో తెరకెక్కిన ఎన్నో చిత్రాలు ఈ చెట్టు కింద చిత్రీకరణ జరుపుకున్నాయి. ఈ సందర్భంగా దర్శకుడు ఎమోషనల్ అయ్యారు.
కుమారదేవం గోదారొడ్డునున్న ఈ చెట్టు కింద చాలా మందితో పాటుగా నేను కూడా చాలా సినిమాలు తీశాను. అలాంటి చెట్టుతల్లి నేలకూలిందని తెలిశాక, నా సొంత తల్లి కాలం చేసినట్టు ఏడుస్తున్నాను. నా తల్లిని ఈ జన్మకి మరింక చూళ్లేను కదా అంటూ ఆవేదన వ్యక్తం చేశారు. ఆ చెట్టు గురించి ఒక్ వీడియో తీసి, కొన్ని విషయాలను వెల్లడించనున్నారు దర్శకుడు వంశీ.
