పాన్ ఇండియా స్టార్ ప్రభాస్ హీరోగా ఇప్పుడు పలు భారీ చిత్రాలు సెట్ చేసుకున్న సంగతి అందరికీ తెలిసిందే. మరి ఈ చిత్రాల్లో దర్శకుడు సందీప్ రెడ్డి వంగ కాంబినేషన్ లో చేయనున్న అవైటెడ్ సెన్సేషనల్ ప్రాజెక్ట్ “స్పిరిట్” కూడా ఒకటి. మరి ఈ చిత్రం పాన్ ఇండియా కాకుండా పాన్ ఆసియ లెవెల్ ప్రాజెక్ట్ కావడంతో మరిన్ని అంచనాలు నెలకొన్నాయి.
అయితే గత కొన్నాళ్ల నుంచి ఈ సినిమా విషయంలో కొన్ని రూమర్స్ వైరల్ అవుతుండగా తాజాగా ప్రభాస్ సరసన త్రిష జోడి కట్టనుంది అని కూడా స్టార్ట్ అయ్యాయి. అయితే ఈ రూమర్ తర్వాత మరో రూమర్ మొదలైంది. ఈ సినిమాలో విలన్ గా గోపీచంద్ అంటూ సోషల్ మీడియాలో స్టార్ట్ చేశారు. కానీ ఇందులో ఎలాంటి నిజం లేదు అన్నట్టుగా తెలుస్తుంది.
దాదాపు అందరూ కోరుకుంటున్న కొరియన్ నటుడు డాన్ లీ (Don Lee) నే విలన్ గా ఈ సినిమాకి అనుకుంటున్నారట. దాదాపు ఇది సాధ్యమయ్యేలానే ఉందని వినిపిస్తుంది. సో ప్రస్తుతానికి గోపీచంద్ విలన్ అంటూ వస్తున్నా వార్తల్లో నిజం లేదనే చెప్పాలి.
