తమిళ స్టార్ హీరో చియాన్ విక్రమ్ నటిస్తున్న తాజా చిత్రం ‘తంగలాన్’ ఇప్పటికే ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమాను దర్శకుడు పా రంజిత్ డైరెక్ట్ చేస్తుండటంతో ఈ మూవీ బాక్సాఫీస్ దగ్గర ఎలాంటి సెన్సేషన్ క్రియేట్ చేస్తుందా అని అందరూ ఆసక్తిగా చూస్తున్నారు. ఇక ఈ సినిమాను ఆగస్టు 15న రిలీజ్ చేసేందుకు మేకర్స్ సిద్ధమవ్వగా, ఈ చిత్ర ప్రమోషన్స్‌ను వేగవంతం చేశారు.
తంగలాన్ చిత్రాన్ని పాన్ ఇండియా మూవీగా భారీ స్థాయిలో రిలీజ్ చేస్తున్నారు. ఇందులో భాగంగా ఈ సినిమా ప్రమోషన్స్‌ను అన్ని భాషల్లో నిర్వహిస్తున్నారు. తాజాగా ఈ మూవీ ప్రమోషన్స్‌లో భాగంగా కన్నడ స్టార్ రిషబ్ శెట్టి తంగలాన్ చిత్ర యూనిట్‌ను కలిశారు. ‘కాంతార’ మూవీతో రిషబ్ శెట్టి పాన్ ఇండియా స్థాయిలో గుర్తింపు తెచ్చుకున్న సంగతి తెలిసిందే. దీంతో ఇప్పుడు విక్రమ్ లాంటి స్టార్‌తో రిషబ్ శెట్టి కలిసి మాట్లాడటం అందరి దృష్టిని ఆకర్షిస్తోంది.
తాజాగా విక్రమ్‌తో కలిసి రిషబ్ శెట్టి దిగిన ఫోటో నెట్టింట వైరల్ అవుతోంది. తంగలాన్ స్టార్‌తో కాంతార హీరో అంటూ ఇరువురి అభిమానులు ఈ ఫోటోను సోషల్ మీడియాలో తెగ షేర్ చేస్తున్నారు. ఇక తంగలాన్ మూవీలో మాళవిక మోహనన్, పార్వతి తిరువొతు తదితరులు ఇతర ముఖ్య పాత్రల్లో నటించగా, జివి.ప్రకాశ్ కుమార్ ఈ చిత్రానికి సంగీతం అందించారు.
