టాలీవుడ్ సూపర్ స్టార్ మహేష్ బాబు హీరోగా శ్రీలీల హీరోయిన్ గా దర్శకుడు త్రివిక్రమ్ తెరకెక్కించిన రీసెంట్ చిత్రం “గుంటూరు కారం” తర్వాత మహేష్ తన పాన్ వరల్డ్ సినిమా దర్శకుడు రాజమౌళితో చేయనున్న ప్రాజెక్ట్ కోసం సిద్ధం అవుతున్న సంగతి తెలిసిందే. అయితే ఈ సినిమా వచ్చే గ్యాప్ లో మహేష్ అభిమానులు తన పాత సినిమాలు మళ్ళీ రీ రిలీజ్ చేసుకుంటున్నారు.
అలాగే ఈసారి మహేష్ బాబు బర్త్ డే కి తన కెరీర్ క్లాస్ హిట్ చిత్రం “మురారి” రీ రిలీజ్ కి ప్లాన్ చేయగా ఈ సినిమాకి ఊహించని రెస్పాన్స్ ఇపుడు వస్తుంది. బుకింగ్స్ తోనే ఈ చిత్రం సాలిడ్ రికార్డులు సెట్ చేస్తుండడం విశేషం. మరి లేటెస్ట్ పి ఆర్ లెక్కల ప్రకారం మురారి సినిమాతో 1.76 కోట్లకి పైగా గ్రాస్ ని ఆల్రెడీ నమోదు చేసినట్టుగా తెలుస్తుంది.
డే 1 కి 1.3 కోట్లకి పైగా గ్రాస్ అందుకుంటే డే 2 కి 40 లక్షలకి పైగా గ్రాస్ అందుకున్నట్టు తెలుస్తుంది. ఇలా ఒక క్లాస్ సినిమా రీ రిలీజ్ తో ఈ తరహా బుకింగ్స్ సాధించడం అనేది ఒక్క మహేష్ బాబుకే చెల్లింది అని చెప్పాలి. ఇక ఈ చిత్రాన్ని కృష్ణవంశీ దర్శకత్వం వహించగా సోనాలి బింద్రే హీరోయిన్ గా నటించింది. అలాగే మణిశర్మ ఒక మెమొరబుల్ మ్యూజిక్ ఆల్బమ్ ని ఈ చిత్రానికి అందించారు.
