మ్యాన్ ఆఫ్ మాసెస్ జూ.ఎన్టీఆర్, అందాల భామ జాన్వీ కపూర్ జంటగా నటిస్తున్న తాజా చిత్రం ‘దేవర’ ఇప్పటికే ప్రేక్షకుల్లో ఎలాంటి హైప్ క్రియేట్ చేసిందో అందరికీ తెలిసిందే. దర్శకుడు కొరటాల శివ డైరెక్ట్ చేస్తున్న ఈ యాక్షన్ ఎంటర్‌టైనర్ మూవీని ఎప్పుడెప్పుడు చూద్దామా అని అభిమానులు ఎంతో ఆసక్తిగా ఎదురుచూస్తున్నారు. ఇక ఈ సినిమా నుంచి తాజాగా రిలీజైన ‘చుట్టమల్లె’ రొమాంటిక్ సాంగ్ టాక్ ఆఫ్ ది టౌన్‌గా మారింది.
పూర్తి రొమాంటిక్ పాటగా ఇది శ్రోతలను ఆకట్టుకుంటోంది. రామజోగయ్య శాస్త్రి అద్భుతమైన లిరిక్స్‌కి అనిరుధ్ రవిచందర్ క్యాచీ ట్యూన్ జతకావడం.. జాన్వీ కపూర్ అందాల ఆరబోతతో ఈ పాట నెక్ట్స్ లెవెల్‌లో ఉందంటూ అభిమానులు ఈ సాంగ్‌ను ఎంజాయ్ చేస్తున్నారు. ఇప్పటికే యూట్యూబ్ సహా పలు సోషల్ మీడియా ప్లాట్‌ఫామ్‌లలో ‘చుట్టమల్లె’ సాంగ్ చార్ట్‌బస్టర్‌గా నిలిచింది. ఇక తాజాగా ఈ పాట షూటింగ్ సమయంలోని ఓ BTS వీడియోని హీరోయిన్ జాన్వీ కపూర్ తన ఇన్‌స్టా అకౌంట్‌లో పోస్ట్ చేసింది.
ఈ మేకింగ్ వీడియోలో అమ్మడు అందాలతో ఫిదా చేస్తుందంటూ అభిమానులు కామెంట్ చేస్తున్నారు. అటు ఎన్టీఆర్ కూడా క్యూట్ లుక్స్‌తో ఈ సాంగ్‌లో కనిపించడంతో అభిమానులు ఈ పాటను వెండితెరపై చూసేందుకు ఉవ్విళ్లూరుతున్నారు. సైఫ్ అలీ ఖాన్ విలన్ పాత్రలో నటిస్తున్న ‘దేవర పార్ట్-1’ను సెప్టెంబర్ 27న రిలీజ్ చేసేందుకు మేకర్స్ సిద్ధమవుతున్నారు.
