మన టాలీవుడ్ లెజెండరీ హీరో మెగాస్టార్ చిరంజీవి ఇచ్చిన ఎన్నో సెన్సేషనల్ హిట్ చిత్రాల్లో దర్శకుడు బి గోపాల్ తో చేసిన ఫ్యాక్షన్ యాక్షన్ డ్రామా “ఇంద్ర” కూడా ఒకటి. మరి రెండు దశాబ్దాల కితం రిలీజ్ అయ్యిన ఈ చిత్రం తెలుగు సినిమా హిస్టరీలో ఒక రికార్డు ఇండస్ట్రీ హిట్ గా నిలిచింది. అయితే ఈ సినిమా రీ రిలీజ్ కోసం ఎప్పుడు నుంచో మెగా అభిమానులు ఆసక్తిగా ఎదురు చూస్తుండగా ఫైనల్ గా ఈ ఏడాది మెగాస్టార్ బర్త్ డే కానుకగా విడుదల చేస్తున్నట్టుగా వైజయంతి సినిమాస్ వారు అనౌన్స్ చేశారు.
దీనితో మెగా ఫ్యాన్స్ కి ఆరోజున సాలిడ్ ట్రీట్ ఫిక్స్ కాగా ఇప్పుడు దీనితో పాటుగా అదనంగా మరో ఎంటర్టైనర్ “శంకర్ దాదా ఎంబీబీఎస్” కూడా ఇపుడు రీ రిలీజ్ కి సిద్ధం అవుతుంది. ఇదే ఆగస్ట్ 22న అయితే ఈ చిత్రం థియేటర్స్ లోకి వచ్చేందుకు సిద్ధం అవుతుంది. ఇలా మొత్తానికి అయితే మెగా ఫ్యాన్స్ కి సాలిడ్ ట్రీట్ ఆరోజున ఉండబోతుంది అని చెప్పాలి. ఇక ప్రస్తుతం చిరు తన కెరీర్ 156వ సినిమా “విశ్వంభర” (Vishwambhara) చేస్తున్న సంగతి తెలిసిందే. ఈ సినిమా నుంచి కూడా ఆరోజు ఏదొక ట్రీట్ ఉండొచ్చు అని టాక్ వినిపిస్తుంది.
