‘ఉస్తాద్’ విషయంలో హరీష్ శంకర్ ప్రామిస్..

ప్రస్తుతం మన టాలీవుడ్ టాలెంటెడ్ దర్శకుల్లో ఒకరైన హరీష్ శంకర్ ప్రస్తుతం మాస్ మహారాజా రవితేజ తో చేసిన లేటెస్ట్ చిత్రం “మిస్టర్ బచ్చన్” రిలీజ్ పనుల్లో బిజీగా ఉన్న సంగతి తెలిసిందే. ఇక ఈ సినిమాని ఈ ఆగస్టు 15 రిలీజ్ కి షెడ్యూల్ చేయగా ఈ గ్యాప్ లో సాలిడ్ ప్రమోషన్స్ ని చిత్ర యూనిట్ చేస్తున్నారు. ఇలా హరీష్ శంకర్ కూడా పలు ఇంటర్వ్యూస్ ఇస్తుండగా వీటిలో పవర్ స్టార్ పవన్ కళ్యాణ్ తో చేస్తున్న సినిమాల కోసం తాను ఇంట్రెస్టింగ్ కామెంట్స్ చేశారు.

దీనితో ఇవి వైరల్ గా మారుతున్నాయి. లాస్ట్ టైం కూడా ఇప్పుడు పవన్ తో చేస్తున్న ఉస్తాద్ భగత్ సింగ్ పవన్ ఫ్యాన్స్ కి ఒక లైబ్రరీలో పెట్టుకునే సినిమాలా నిలిచిపోతుంది అని చెప్పినట్టుగానే మరోసారి కాన్ఫిడెంట్ గా చెబుతున్నాడు. అలాగే ఇందుకు గాను ఖచ్చితంగా సాధ్యమైనంత వరకు ట్రై చేస్తా అంటూ లేటెస్ట్ ప్రామిస్ చేసాడు. దీనితో ఇది పవన్ అభిమానుల్లో మరింత నమ్మకాన్ని తీసుకొచ్చింది. మరి చూడాలి మళ్ళీ గబ్బర్ సింగ్ తర్వాత ఆ రేంజ్ హిట్ ని వీరు ఉస్తాద్ భగత్ సింగ్ తో కొడతారో లేదో అనేది.