టాలీవుడ్ లో మాస్ యాక్షన్ ఎంటర్టైనర్ లకి డాషింగ్ డైరెక్టర్ పెట్టింది పేరు. పోకిరి చిత్రం తో ఇండస్ట్రీ హిట్ కొట్టాడు పూరి జగన్నాథ్. ఇప్పుడు ఈ చిత్రం గురించి దర్శకుడు హరీష్ శంకర్ పలు ఆసక్తికర విషయాలు వెల్లడించారు. మహేష్ బాబు నటించిన పోకిరి చిత్రం తనకి టెక్స్ట్ బుక్ లాంటిది అని అన్నారు. సూపర్ స్టార్ తో సినిమా చేయాల్సి వస్తే, అలాంటి సినిమా చేస్తా అని అన్నారు. మహేష్ బాబు ఫ్యాన్స్ కూడా హరీష్ శంకర్ దర్శకత్వంలో సినిమా చేస్తే బావుంటుంది అని అంతా భావిస్తున్నారు.
ఇక హరీష్ శంకర్ దర్శకత్వంలో తెరకెక్కిన మిస్టర్ బచ్చన్ చిత్రం ఆగస్టు 15 వ తేదీన థియేటర్ల లో రిలీజ్ కి రెడీ అయిపోయింది. మాస్ మహారాజ రవితేజ టైటిల్ రోల్ లో నటించగా, భాగ్యశ్రీ బోర్సే ఫిమేల్ లీడ్ రోల్ లో నటించింది. జగపతి బాబు కీలక పాత్రలో నటించిన ఈ చిత్రానికి మిక్కీ జే మేయర్ సంగీతం అందించారు.
