నోలన్ రీరిలీజ్ తో “పుష్ప 2” కి ఓవర్సీస్ లో ఎఫెక్ట్ పడుతుందా?

ఐకాన్ స్టార్ అల్లు అర్జున్ హీరోగా దర్శకుడు సుకుమార్ కాంబినేషన్ లో తెరకెక్కిస్తున్న భారీ చిత్రం “పుష్ప 2” కోసం అందరికీ తెలిసిందే. మరి ఈ చిత్రం తమ హ్యాట్రిక్ సినిమా పుష్ప కి సీక్వెల్ గా ఎన్నో ఏళ్ళు నుంచి అవైటెడ్ గా ఉండడంతో మరిన్ని అంచనాలు నెలకొన్నాయి. మరి ఈ ఆగస్ట్ లోనే రిలీజ్ కి రావాల్సిన ఈ చిత్రాన్ని చిత్ర బృందం అక్కడ నుంచి డిసెంబర్ కి వాయిదా వేసి కొత్త రిలీజ్ డేట్ గా డిసెంబర్ 6 ని ఆఖరు చేశారు.

ఇక ఈ డేట్ కోసం అంతా ఆసక్తిగా ఎదురు చూస్తుండగా ఇపుడు ఈ డేట్ లో అయితే ఓవర్సీస్ మార్కెట్ లో ఎఫెక్ట్ పడేలా ఉందని చెప్పాలి. వరల్డ్ వైడ్ గా ప్రముఖ దర్శకుడు క్రిస్టోఫర్ నోలన్ సినిమాల కోసం తెలియని వారు ఎవరూ ఉండకపోవచ్చు. మరి తన చిత్రాల్లో “ఇంటర్ స్టెల్లార్” సినిమాకి సెపరేట్ ఫ్యాన్ బేస్ నే ఉంది. దీనితో ఈ సినిమా రీరిలీజ్ కోసం చాలా మంది ప్రపంచ వ్యాప్తంగా ఎదురు చూస్తుండగా ఇప్పుడు ఫైనల్ గా వారు ఒక డేట్ ని ఇచ్చారు.

ఈ చిత్రం వచ్చి పదేళ్లు పూర్తి చేసుకున్న సందర్భంగా డిసెంబర్ 6నే డేట్ ని ఇప్పుడు ప్రకటించారు. మరి ఈ డేట్ లోనే పుష్ప 2 కూడా ప్లాన్ చేసిన సంగతి తెలిసిందే. ఈసారి ఓవర్సీస్ మార్కెట్ లో భారీ మొత్తంలో బిజినెస్ కూడా చేసినట్టుగా టాక్ ఉంది. మరి ఇంటర్ స్టెల్లార్ రిలీజ్ తో ఈ సినిమాకి ఏమన్నా ఎఫెక్ట్ పడే ఛాన్స్ కొంచెం అయినా ఉందని చెప్పాలి. మరి ఈ రెండు సినిమాల విషయంలో ఏం జరగనుందో చూడాలి.