పవర్ స్టార్ పవన్ కళ్యాణ్ ఇప్పటికే పలు సినిమాలను ప్రారంభించి షూటింగ్ మొదలుపెట్టాడు. పీరియాడిక్ ఫిక్షన్ మూవీగా రానున్న ఈ సినిమాకు తొలుత క్రిష్ డైరెక్టర్‌గా ఉన్నప్పటికీ కొన్ని కారణాల వల్ల ఆయన ఈ ప్రాజెక్ట్ నుంచి తప్పుకున్నాడు. ఇక ఇప్పుడు ఈ ప్రెస్టీజియస్ మూవీని నిర్మాత ఏఎం రత్నం తనయుడు జ్యోతికృష్ణ డైరెక్ట్ చేస్తున్నాడు.
ఇక ఇప్పటికే మెజారిటీ షూటింగ్ ముగించుకున్న ఈ సినిమా నుంచి మేకర్స్ తాజాగా ఓ సాలిడ్ అప్డేట్ ఇచ్చారు. ఈ సినిమాలో పాన్ ఇండియా స్టార్, విలక్షణ నటుడు అనుపమ్ ఖేర్ కూడా నటిస్తున్నారని.. ఆయనకు స్వాగతం చెబుతూ మేకర్స్ ఓ కొత్త పోస్టర్ రిలీజ్ చేశారు. ‘హరిహర వీరమల్లు’ చిత్రాన్ని పాన్ ఇండియా మూవీగా మేకర్స్ భారీ స్థాయిలో రిలీజ్ చేసేందుకు మేకర్స్ సిద్ధమవుతున్నారు.
ఈ ప్రెస్టీజియస్ మూవీలో బాలీవుడ్ నటుడు బాబీ డియోల్‌తో పాటు అందాల భామ నిధి అగర్వాల్ ఇతర ముఖ్య పాత్రల్లో నటిస్తున్నారు. ఆస్కార్ అవార్డ్ విన్నర్ ఎంఎం.కీరవాణి ఈ చిత్రానికి సంగీతం అందిస్తుండగా ఏ.ఎం.రత్నం ఈ చిత్రాన్ని భారీ బడ్జెట్‌తో ప్రొడ్యూస్ చేస్తున్నారు.
