టాలీవుడ్‌లో తెరకెక్కుతున్న క్రేజీ ప్రాజెక్టుల్లో యంగ్ అండ్ ఎనర్జిటిక్ హీరో రామ్ పోతినేని నటిస్తున్న ‘డబుల్ ఇస్మార్ట్’ కూడా ఒకటి. ఈ సినిమాను డాషింగ్ డైరెక్టర్ పూరి జగన్నాధ్ డైరెక్ట్ చేస్తుండగా, గతంలో వచ్చిన బ్లాక్‌బస్టర్ మూవీ ‘ఇస్మార్ట్ శంకర్’కు ఇది సీక్వెల్‌గా తెరకెక్కింది. ఆగస్టు 15న ప్రపంచవ్యాప్తంగా ఈ చిత్రాన్ని గ్రాండ్ రిలీజ్ చేసేందుకు మేకర్స్ సిద్ధమయ్యారు.
కాగా, ఈ సినిమా ప్రమోషన్స్‌ను ఇప్పటికే భారీగా నిర్వహిస్తూన్న చిత్ర యూనిట్.. తాజాగా ఈ మూవీ నుంచి ‘బిగ్ బుల్’ లిరికల్ సాంగ్ వీడియోను రిలీజ్ చేశారు. పాన్ ఇండియా మూవీగా రానున్న ఈ సినిమా ప్రమోషన్స్ ముంబైలో నిర్వహిస్తున్న నేపథ్యంలో మేకర్స్ ఈ సాంగ్‌ను లాంచ్ చేశారు. బిగ్ బుల్‌గా బాలీవుడ్ నటుడు సంజయ్ దత్ ఈ సినిమాలో కనిపించనున్నాడు. ఇక రామ్ మరోసారి తనదైన మాస్ స్వాగ్‌తో ఈ సినిమాను నెక్ట్స్ లెవెల్‌కి తీసుకెళ్లనున్నట్లు ఈ బిగ్ బుల్ సాంగ్ చూస్తే అర్థమవుతోంది.
భాస్కరబట్ల రాసిని పవర్‌ఫుల్ లిరిక్స్‌కి మణిశర్మ మాస్ ట్యూన్స్‌ను కంపోజ్ చేశారు. ఈ పాట పక్కా మాస్ యాంథెమ్‌గా ఆడియెన్స్‌ను ఆకట్టుకుంటోంది. కావ్య థాపర్ హీరోయిన్‌గా నటిస్తోన్న ఈ సినిమాను పూరి కనెక్ట్స్ బ్యానర్‌పై ప్రొడ్యూస్ చేస్తున్నారు.
