ఫోటో మూమెంట్: రజినీ, అమితాబ్ లతో భన్వర్ సింగ్ షెకావత్..

కోలీవుడ్ తలైవర్ సూపర్ స్టార్ రజినీకాంత్ హీరోగా నటించిన లాస్ట్ చిత్రం “జైలర్” తో సెన్సేషనల్ కం బ్యాక్ ని తాను అందుకోగా ఈ చిత్రం తర్వాత తాను నటిస్తున్న మరో చిత్రం “వేట్టైయన్”. దర్శకుడు జ్ఞ్యానవవేల్ తెరకెక్కిస్తున్న ఈ చిత్రంలో ఇండియా వైడ్ గా అనేకమంది స్టార్ నటులు కూడా కనిపించనున్నారు. ఒకో ఇండస్ట్రీ నుంచి ఒకో వెర్సటైల్ హీరో నటిస్తుండగా వారిలో బాలీవుడ్ బిగ్ బి అమితాబ్ బచ్చన్ అలాగే మళయాళ టాలెంటెడ్ నటుడు, పుష్ప విలన్ ఫహద్ ఫాజిల్ లు నటిస్తున్నారు.

అయితే ఇపుడు ఈ ముగ్గురు కలయికలో ఇంట్రెస్టింగ్ పిక్ ని మేకర్స్ షేర్ చేసి ఫహద్ ఫాజిల్ కి పుట్టినరోజు విషెస్ ని తెలిపారు. మరి రజినీ, అమితాబ్ ల మధ్యలో ఫహద్ ఫాజిల్ కనిపిస్తున్నాడు. రజిని, అమితాబ్ లు ఫహద్ భుజాలపై స్టైలిష్ గా చేతులు వేసి నించుంటే ఫహద్ నవ్వుతు చేతు ముడుచుకొని కనిపిస్తున్నాడు. దీనితో ఈ సెట్స్ నుంచి ఈ బ్యూటిఫుల్ స్నాప్ ఇప్పుడు వైరల్ గా మారింది. ఇక ఈ చిత్రానికి అనిరుద్ సంగీతం అందిస్తుండగా లైకా ప్రొడక్షన్స్ వారు నిర్మాణం వహిస్తున్నారు.