టాలీవుడ్‌లో ఒకప్పుడు వరుస బ్లాక్‌బస్టర్ హిట్ చిత్రాలతో బాక్సాఫీస్‌ను షేక్ చేసిన డైరెక్టర్ వైవిఎస్.చౌదరి గురించి అందరికీ తెలిసిందే. కంటెంట్ ఉన్న సినిమాలను కమర్షియల్ ఎలిమెంట్స్‌తో తెరకెక్కించడంలో ఆయనకు మంచి పేరు ఉంది. ఇక ఇప్పుడు కొంత గ్యాప్ తరువాత ఆయన తన కొత్త ప్రాజెక్ట్‌ను అనౌన్స్ చేసిన సంగతి తెలిసిందే. న్యూ టాలెంట్ రోర్స్ అనే బ్యానర్‌పై ఆయన సతీమణి గీత నిర్మాణంలో వైవిఎస్ ఓ కొత్త సినిమాను చేయబోతున్నారు.
ఇక తాజాగా ఈ సినిమా నుంచి ఆయన ఓ ఇంట్రెస్టింగ్ అప్డేట్‌ను ఇచ్చారు. ఈ సినిమాలో హీరోయిన్‌గా ఓ కొత్త ట్యాలెంట్‌ను పట్టుకొస్తున్నారట. వీణా రావు అనే తెలుగు అమ్మాయిని వైవిఎస్ ఈ సినిమా కోసం హీరోయిన్‌గా సెలెక్ట్ చేశారు. ఇక ఈ సినిమాకు సంబంధించిన టెక్నికల్ టీమ్‌ని కూడా ఆయన ప్రకటించారు. ఈ సినిమాకు ఆస్కార్ విజేత లిరిసిస్ట్ చంద్రబోస్, సంగీత దర్శకుడు ఎంఎం.కీరవాణి, ప్రముఖ డైలాగ్ రైటర్ సాయి మాధవ్ బుర్ర ఈ సినిమా కోసం పనిచేయబోతున్నట్లు ఆయన వెల్లడించారు.
కాగా, ఈ సినిమాలో నందమూరి జానకీ రామ్ తనయుడు నందమూరి తారక రామారావు హీరోగా పరిచయం కానున్నారు. త్వరలోనే ఈ సినిమా షూటింగ్ ప్రారంభించేందుకు మేకర్స్ రెడీ అవుతున్నారు.
