క్రేజీ పోస్టర్ తో 2 నెలల ముందే సూర్య “కంగువా” ట్రైలర్ బ్లాస్ట్.. డేట్ ఇదే

కోలీవుడ్ స్టార్ హీరో సూర్య ప్రధాన పాత్రలో బాలీవుడ్ నటి దిశా పటాని హీరోయిన్ గా దర్శకుడు శివ తెరకెక్కిస్తున్న భారీ పాన్ ఇండియా చిత్రం “కంగువా” కోసం అందరికీ తెలిసిందే. ఇది ఒక్క సూర్య కెరీర్ లోనే కాకుండా టోటల్ తమిళ సినిమా నుంచి కూడా ఒక బిగ్గెస్ట్ బడ్జెట్ సినిమాగా రాబోతుంది. అయితే ఈ సినిమాని కూడా మేకర్స్ రెండు భాగాలుగా ప్లాన్ చేస్తుండగా ఈ చిత్రం నుంచి ఒక స్పెషల్ అప్డేట్ ని మేకర్స్ అందించారు.

దీనితో ఈ సినిమా ట్రైలర్ ని ఏకంగా రెండు నెలల ముందే విడుదల చేస్తున్నట్టుగా సాలిడ్ అప్డేట్ అందించారు. జెనరల్ గా ఏ భారీ సినిమా అయినా ఇప్పుడు ట్రెండ్ లో సరిగ్గా ఒక్క నెల ముందు ట్రైలర్ ని రిలీజ్ చేసేలా ప్లాన్ చేస్తున్నారు కానీ ఈ సినిమా మేకర్స్ మాత్రం రెండు నెలల ముందే ట్రైలర్ వదులుతుండడం విశేషం.

ఇక ఈ చిత్రం అక్టోబర్ 10న థియేటర్స్ లోకి రానుండగా దీనికి రెండు నెలల ముందే ఈ ఆగస్ట్ 12న ట్రైలర్ ని రిలీజ్ చేస్తున్నట్టుగా సూర్యపై ఒక పవర్ఫుల్ పోస్టర్ తో అనౌన్స్ చేశారు. ఇది మాత్రం క్రేజీ లెవెల్లో ఉందని చెప్పాలి. సూర్య తన సాలిడ్ మేకోవర్ లో కనిపిస్తుండగా తన వెనుక ఉన్న రెండు రెక్కలుతో యూనిక్ గా ప్రెజెంట్ చేశారు. ఇక ఈ చిత్రానికి దేవిశ్రీ ప్రసాద్ సంగీతం అందించగా స్టూడియో గ్రీన్ వారు అలాగే యూవీ క్రియేషన్స్ వారు నిర్మాణం వహించారు.