మెగా డాటర్ నిహారిక కొణిదెల ప్రొడ్యూసర్‌గా మారి చేసిన సినిమా ‘కమిటీ కుర్రోళ్ళు’ థియేటర్లలో సందడి చేస్తోంది. మంచి అంచనాల మధ్య ఈ సినిమా రిలీజ్ కావడంతో, ఈ సినిమాను చూసేందుకు ఆడియెన్స్ థియేటర్లకు వెళ్తున్నారు. ఇక ఈ సినిమాకు మంచి మౌత్ టాక్ రావడంతో ప్రేక్షకులు ఈ సినిమాను ఎంజాయ్ చేసేందుకు రెడీ అవుతున్నారు.
దాదాపు అందరూ కొత్త యాక్టర్స్‌తో ఈ సినిమాను దర్శకుడు యదువంశీ డైరెక్ట్ చేయగా, పూర్తి విలేజ్ యూత్‌ఫుల్ ఎంటర్‌టైనర్‌గా ఈ సినిమా అలరిస్తోంది. ఈ సినిమాకు అన్ని ఏరియాల్లోనూ మంచి టాక్ రావడంతో బాక్సాఫీస్ వద్ద చక్కటి కలెక్షన్లు రాబడుతోంది. ఈ సినిమా తొలిరోజు బాక్సాఫీస్ దగ్గర రూ.1.63 కోట్ర గ్రాస్ వసూళ్లు సాధించింది.
మంచి కంటెంట్ ఉన్న సినిమాలను ప్రేక్షకులు ఆదరిస్తారని మరోసారి ఈ మూవీ ప్రూవ్ చేసింది. అనుదీప్ దేవ్ అందించిన సంగీతానికి ప్రేక్షకుల నుంచి మంచి మార్కులు వస్తుండటంతో మేకర్స్ సంతోషం వ్యక్తం చేస్తున్నారు.
