అక్కినేని నాగచైతన్య ప్రస్తుతం సోషల్ మీడియాలో ట్రెండింగ్ అవుతున్నారు. ఆయన నటి శోభితా ధూళిపాళ్లను నిశ్చితార్థం చేసుకున్నారు. దీంతో ఆయన అభిమానులు చైతన్యను నెట్టింట ట్రెండ్ చేస్తున్నారు. చైతూ ట్రెండ్ అవడానికి మరో కారణం కూడా ఉంది.
చైతూ తన వద్ద పనిచేస్తున్న సిబ్బందికి చాలా మంచి రెస్పెక్ట్ ఇస్తాడనే పేరు ఉంది. దీనిని ప్రూవ్ చేస్తూ, తాజాగా ఆయన తన అసిస్టెంట్ వివాహానికి హాజరై నిరూపించుకున్నాడు. చైతూ పర్సనల్ అసిస్టెంట్ వెంకటేశ్ వివాహం రాజమండ్రిలో జరిగింది. ఈ వివాహ వేడుకకు చైతూ హాజరుకావడం హాట్ టాపిక్ గా మారింది.
ఇక ఈ క్రమంలో చైతూకి సంబంధించిన ఫోటోలు నెట్టింట చక్కర్లు కొడుతున్నాయి. అటు సినిమాల విషయానికి వస్తే, చైతూ ప్రస్తుతం ‘తండేల్’ అనే సినిమాలో నటిస్తున్నాడు. ఈ సినిమాలో అందాల భామ సాయి పల్లవి హీరోయిన్‌గా నటిస్తోంది. ఈ సినిమాను వీలైనంత త్వరగా రిలీజ్ చేసేందుకు మేకర్స్ రెడీ అవుతున్నారు.
