మురారి రీ-రిలీజ్: అలా చేయడం మంచిది కాదు – కృష్ణవంశీ

సూపర్ స్టార్ మహేష్ బాబు ప్రధాన పాత్రలో, క్రియేటివ్ డైరెక్టర్ కృష్ణవంశీ దర్శకత్వంలో తెరకెక్కిన మురారి చిత్రం 2001 లో రిలీజై ప్రేక్షకులను, అభిమానులని విశేషంగా ఆకట్టుకుంది. మహేష్ బాబు పుట్టిన రోజు సందర్భంగా ఈ చిత్రం ఆగస్టు 9 న రీ-రిలీజ్ అయ్యి, సెన్సేషన్ రెస్పాన్స్ ను కొల్లగొట్టింది. బాక్సాఫీసు వద్ద మంచి వసూళ్లతో దూసుకు పోతుంది. అయితే రీ-రిలీజ్ సందర్భంగా కొన్ని చోట్ల థియేటర్ల లో ప్రేమికులు నిజంగానే పెళ్లి చేసుకోవడం, అందుకు సంబంధించిన వీడియోలు వైరల్ గా మారడం జరిగింది.

ఈ విషయంలో దర్శకుడు కృష్ణవంశీ ను ఒక అభిమాని సోషల్ మీడియాగా అడిగారు. “ఇది చూసారా సార్? వారు థియేటర్‌లో పెళ్లి చేసుకున్నారు. సూపర్ స్టార్ క్రేజీ పిచ్చి అభిమానులు”. అందుకు దర్శకుడు రెస్పాండ్ అవుతూ, మన గొప్ప గొప్ప సంస్కృతి, సంప్రదాయాలను అపహాస్యం చేయడం, అవమానించడం మంచిది కాదు అని పేర్కొన్నారు. ఈ కామెంట్స్ ఇప్పుడు సోషల్ మీడియాలో వైరల్ గా మారాయి. మురారి చిత్రంలో సోనాలి బింద్రే హీరోయిన్ గా నటించగా, లక్ష్మీ, సుకుమారి, కైకాల సత్యనారాయణ, గొల్లపూడి మారుతీరావు తదితరులు కీలక పాత్రల్లో నటించారు. మెలోడీ బ్రహ్మ మణిశర్మ సంగీతం అందించారు.