“దేవర” ఓపెనింగ్ సాంగ్ పై సినిమాటోగ్రాఫర్ రత్నవేలు వేరే లెవెల్ కామెంట్స్!

యంగ్ టైగర్ ఎన్టీఆర్ అభిమానులు అంతా ఎంతో ఆసక్తిగా ఎదురుచూస్తున్న చిత్రం దేవర పార్ట్ – 1. సెప్టెంబర్ 27, 2024 న వరల్డ్ వైడ్ గా పాన్ ఇండియా భాషల్లో రిలీజ్ కాబోతున్న ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్ గా నటిస్తుంది. ఇప్పటికే ఈ చిత్రం నుండి రిలీజైన ప్రచార చిత్రాలకి ఓ రేంజ్ రెస్పాన్స్ రాగా, ఇటీవల రిలీజైన చుట్టమల్లె సాంగ్ అయితే క్రేజీ రెస్పాన్స్ ను సొంతం చేసుకుంటుంది. ఈ పాటతో సినిమాపై మరింత ఆసక్తి నెలకొంది. ఈ చిత్రానికి సినిమాటోగ్రాఫర్ గా పని చేస్తున్న రత్నవేలు సోషల్ మీడియా వేదికగా ఒక ఆసక్తికరమైన పోస్ట్ ను షేర్ చేశారు.

అసలైన విజువల్ స్టైల్ తో అనిరుధ్ రవి చందర్ మ్యూజిక్ కంపోజ్ చేసిన దేవర నుండి కిక్ యాస్ ఓపెనింగ్ సాంగ్ ను చిత్రీకరిస్తున్నాం. ఎన్టీఆర్ అభిమానులు బ్రహ్మరథం పడతారు అంటూ చెప్పుకొచ్చారు. అంతేకాక సెట్స్ నుండి తన ఫోటోను పంచుకున్నారు. ఈ లెవెల్ కామెంట్స్ చేయడం పట్ల ఫ్యాన్స్ చాలా ఎగ్జైట్ అవుతున్నారు. ఈ చిత్రంలో బాలీవుడ్ స్టార్ యాక్టర్ సైఫ్ అలీఖాన్ విలన్ పాత్రలో నటిస్తుండగా, ఎన్టీఆర్ ఆర్ట్స్ మరియు యువ సుధ ఆర్ట్స్ బ్యానర్ లపై దేవర చిత్రాన్ని నిర్మిస్తున్నారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.