మాస్ మహారాజ రవితేజ మిస్టర్ బచ్చన్ చిత్రంతో హిట్ కొట్టాలని చూస్తున్నాడు. దర్శకుడు హరీష్ శంకర్ దర్శకత్వంలో తెరకెక్కిన మిస్టర్ బచ్చన్ చిత్రం ఈ ఆగస్టు 15 వ తేదీన ప్రపంచ వ్యాప్తంగా విడుదల కాబోతుంది. భాగ్యశ్రీ బోర్సే కథానాయికగా నటించిన ఈ చిత్రాన్ని పీపుల్ మీడియా ఫ్యాక్టరీ పతాకంపై నిర్మించగా, మిక్కీ జే మేయర్ సంగీతం అందించారు. రిలీజ్ కి రెడీ అవుతున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
తాజాగా ఈ చిత్రం గురించి ఇంట్రెస్టింగ్ అప్డేట్ ను అందించారు దర్శకుడు హరీష్ శంకర్. ఓవర్సీస్ ప్రింట్లు సిద్ధమవుతున్నాయి అని సోషల్ మీడియా ద్వారా వెల్లడించారు. అందుకు సంబంధించిన ఒక ఫోటోను పంచుకున్నారు. ఈ చిత్రం నుండి రిలీజైన ప్రచార చిత్రాలు సినిమా పై మంచి హైప్ ను క్రియేట్ చేశాయి. ఇటీవల రిలీజైన ట్రైలర్ కట్ కూడా సినిమాపై అందరిలో ఆసక్తిని రేకెత్తించింది. జగపతి బాబు కీలక పాత్రలో నటించిన ఈ చిత్రం థియేటర్లలో ఎలాంటి రెస్పాన్స్ ను సొంతం చేసుకుంటుందో చూడాలి.
