మెగా డాటర్ నిహారిక కొణిదెల నిర్మాతగా వ్యవహరించిన కమిటీ కుర్రోళ్ళు చిత్రం బాక్సాఫీస్ వద్ద మంచి వసూళ్లతో దూసుకు పోతుంది. నిర్మాతగా నిహారిక సక్సెస్ ను సాధించింది. ఈ చిత్రానికి ప్రేక్షకులు బ్రహ్మరథం పడుతున్నారు. ఇప్పటికే పలు చోట్ల థియేటర్లు పెంచేశారు. ఈ చిత్రం 2 రోజుల్లో 3.69 కోట్ల రూపాయల గ్రాస్ వసూళ్లు రాబట్టింది. పెద్దగా స్టార్ కాస్ట్ మరియు క్రూ లేని సినిమాకి ఈ రేంజ్ వసూళ్లు అంటే గొప్ప విషయం అని చెప్పాలి.
వసూళ్ల పరంగా ఓపెనింగ్ డే కంటే రెండో రోజు బెటర్ గా ఉండటం, ప్రేక్షకులను డివైడ్ చేసే రేసులో మరే సినిమా లేకపోవడంతో సినిమాకి మరింత లాభం ఉండనుంది. అంతేకాక ఆదివారం సినిమాకు సూపర్ డే అవుతుంది. పాజిటివ్ మౌత్ టాక్ కీలక పాత్ర పోషించింది. సందీప్ సరోజ్, యశ్వంత్ పెండ్యాల, త్రినాథ్ వర్మ, ప్రసాద్ బెహరా, ఈశ్వర్ రాచిరాజు, సాయి కుమార్, గోపరాజు రమణ, మణికంఠ పరసు, లోకేష్ కుమార్ పరిమి, శ్యామ్ కళ్యాణ్, రఘువరన్, శివకుమార్ మట్టా, అక్షయ్ శ్రీనివాస్, శరణ్య సురేష్, తేజస్వీ రావు, విశిక, షణ్ముకి నగుమంత్రి నటించిన ఈ చిత్రాన్ని పింక్ ఎలిఫెంట్ పిక్చర్స్ బ్యానర్‌పై నిర్మించగా, అనుదీప్ దేవ్ సంగీతం అందించారు.
