మన తెలుగు సినిమాలో ప్రేక్షకులు కొత్త కథలను ఎక్కువగా ఆదరిస్తున్నారు. మాస్ మసాలా కమర్షియల్ చిత్రాల కంటే కాన్సెప్ట్ బేస్డ్ మూవీస్ ఎక్కువగా సక్సెస్ అవుతున్నాయి. ఈ క్రమంలోనే వచ్చిన ఇంట్రెస్టింగ్ థ్రిల్లర్ చిత్రమే “ది బర్త్ డే బాయ్”. ఈ మూవీకి థియేటర్లో మంచి రెస్పాన్స్ దక్కింది. నిజ జీవితంలో జరిగిన సంఘటనలు ఆధారంగా ఓ ఐదుగురు స్నేహితుల చుట్టూ జరిగే ఈ కథ ప్రేక్షకులని మెప్పించింది. అయితే ఈ చిత్రం రీసెంట్ గా మన తెలుగు స్ట్రీమింగ్ యాప్ ఆహా లో స్ట్రీమింగ్ కి వచ్చింది.
ఐ భరత్ నిర్మించిన ఈ చిత్రానికి విస్కీ దర్శకత్వం వహించారు.. ఈ చిత్రాన్ని బిగ్ ఫిష్ సంస్థ ఆహాలోకి తీసుకు వచ్చింది. ఇప్పుడు ఆహాలోనూ ఈ మూవీ అందరినీ ఆకట్టుకుంటోంది. అన్ని రకాల అంశాలను మేళవించి తెరకెక్కించిన ఈ మూవీకి ఇప్పుడు అన్ని వర్గాల ఆడియెన్స్ నుంచి మంచి ఆదరణ లభిస్తోంది. ఇక ప్రశాంత్ శ్రీనివాస్ అందించిన బ్యాక్‌గ్రౌండ్ స్కోర్ సినిమాకి హైలైట్‌గా నిలవగా కథలోని టెన్షన్, ఎమోషన్‌ని ప్రేక్షకులు ఫీల్ అయ్యేలా చేసింది. సంకీర్త్ రాహుల్ విజువల్స్, కెమెరా పనితనం మనల్ని సినిమాలో మరింత హైలైట్స్ గా నిలిచాయి.
