ఐకాన్‌ స్టార్‌ అల్లు అర్జున్ – క్రియేటివ్ డైరెక్టర్ సుకుమార్ కలయికలో అత్యంత ప్రతిష్టాత్మకంగా రాబోతున్న సినిమా పుష్ప 2: ది రూల్. ప్రస్తుతం శరవేగంగా ఈ సినిమా షూటింగ్ జరుగుతుంది. ఐతే ప్రస్తుతం జరుగుతున్న షెడ్యూల్ ఎండింగ్ లో ఓ సాంగ్ ను షూట్ చేయడానికి మేకర్స్ ప్లాన్ చేస్తున్నారట. అల్లు అర్జున్ – రష్మిక కాంబినేషన్‌లో ఈ రొమాంటిక్ సాంగ్ చిత్రీకరణకు మూవీ యూనిట్ ప్లాన్ చేసిందట. ఇందుకోసం అడవి నేపథ్యంలో ఓ భారీ సెట్‌ను తీర్చిదిద్దుతున్నట్లు తెలుస్తోంది.
కాగా మైత్రీ మూవీ మేకర్స్ సంస్థ ఈ చిత్రాన్ని భారీ స్థాయిలో నిర్మిస్తోంది. అద్భుత విజయం సాధించిన ‘పుష్ప: ది రైజ్‌’కి కొనసాగింపుగా రూపొందుతున్న ఈ ‘పుష్ప2’ కోసం ఫ్యాన్స్ రెట్టింపు ఆసక్తితో ఎదురు చూస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు. ఇప్పటికే రిలీజ్ అయిన సాంగ్స్ అద్భుత విజయం సాధించిన విషయం తెలిసిందే.
