‘కమిటీ కుర్రోళ్ళు’ కు సూపర్ స్టార్ కంగ్రాట్స్

మెగా డాటర్ నిహారిక కొణిదెల నిర్మించిన కొత్త సినిమా ‘కమిటీ కుర్రోళ్ళు’. దర్శకుడు యదు వంశీ తెరకెక్కించిన ఈ చిత్రం మంచి పాజిటివ్ టాక్ తెచ్చుకుంది. ఈ చిత్రం అంచనాలు అందుకోవడంతో.. ఈ సినిమాతో సక్సెస్ సాధించిన చిత్ర బృందాన్ని అభినందిస్తూ సూపర్ స్టార్ మహేష్ బాబు తాజాగా ఓ ట్వీట్ చేశారు. ఇంతకీ మహేష్ ఏం ట్వీట్ చేశారంటే.. ‘కమిటీ కుర్రోళ్ళు’ గురించి గొప్ప విషయాలు వింటున్నాను. సినిమా బావుందని చెబుతున్నారు. నిర్మాతగా నిహారిక కొణిదెల తొలి సినిమా ఇది.

ఈ విజయం సాధించిన ఆమెకు, చిత్ర బృందానికి కంగ్రాచ్యులేషన్స్. త్వరలో ఈ సినిమా చూడాలని అనుకుంటున్నాను” అని మహేష్ బాబు తన ట్వీట్ లో పోస్ట్ చేశారు. మహేష్ కి పింక్ ఎలిఫాంట్ పిక్చర్స్ సంస్థ థాంక్స్ చెప్పింది. సంగీత దర్శకుడు దేవి శ్రీ ప్రసాద్ సైతం ఆదివారం నిహారికతో పాటు ‘కమిటీ కుర్రోళ్ళు’ చిత్ర బృందానికి కంగ్రాట్స్ చెప్పారు.

కాగా ఈ సినిమాలో సందీప్ సరోజ్, యశ్వంత్ పెండ్యాల, ఈశ్వర్ రాచిరాజు, త్రినాధ్ వర్మ, ప్రసాద్ బెహరా, మణికంఠ పరసు, లోకేష్ కుమార్ పరిమి, శ్యామ్ కళ్యాణ్, రఘువరన్, శివ కుమార్ మట్టా, అక్షయ్ శ్రీనివాస్, రాధ్య, తేజస్వీ రావు, టీన శ్రావ్య, విశిక, షణ్ముఖి నాగుమంత్రీ, సాయి కుమార్, రమణ రాజు గోపరాజు, కిషోర్ కుమార్ తదితరులు నటించారు.