తమిళ హీరో చియాన్ విక్రమ్ నటించిన లేటెస్ట్ మూవీ ‘తంగలాన్’ గ్రాండ్ రిలీజ్‌కి రెడీ అయ్యింది. ఈ సినిమాను దర్శకుడు పా రంజిత్ డైరెక్ట్ చేస్తుండటంతో ఈ సినిమాపై అంచనాలు భారీగా ఏర్పడ్డాయి. ఇక ఈ సినిమాను పాన్ ఇండియా మూవీగా చిత్ర యూనిట్ రిలీజ్ చేస్తోంది. కాగా, ఈ చిత్ర ప్రమోషన్స్‌లో మూవీ టీమ్ బిజీగా ఉన్నారు.
ఈ క్రమంలో హీరో విక్రమ్, హీరోయిన్ మాళవిక మోహనన్ విజయవాడలోని ఫేమస్ బాబాయ్ హోటల్‌లో టిఫిన్ చేస్తూ సందడి చేశారు. ఏపీలో బాబాయ్ హోటల్ ఎంత ఫేమస్ అనేది అందరికీ తెలిసిందే. ఈ హోటల్‌లో తంగలాన్ యూనిట్ టిఫిన్ చేస్తూ తమ సినిమాను ప్రమోట్ చేయడం ఇప్పుడు సోషల్ మీడియాలో వైరల్‌గా మారింది. దీనికి సంబంధించిన ఫోటోలు నెట్టింట వైరల్ అవుతున్నాయి.
ఇక తంగలాన్ చిత్రంలో విక్రమ్ నెవర్ బిఫోర్ గెటప్‌లో కనిపించి ఆడియెన్స్‌ను థ్రిల్ చేయబోతున్నాడు. ఈ సినిమాకు జి.వి.ప్రకాశ్ కుమార్ సంగీతం అందించాడు. ఆగస్టు 15న తంగలాన్ వరల్డ్‌వైడ్‌గా గ్రాండ్ రిలీజ్‌కు రెడీ అయ్యింది.
