తమిళ స్టార్ హీరో సూర్య నటించిన లేటెస్ట్ మూవీ ‘కంగువా’ కోసం అభిమానులు ఎంతో ఆసక్తిగా ఎదురుచూస్తున్నారు. దర్శకుడు శివ ఈ సినిమాను తెరకెక్కిస్తుండగా సరికొత్త కథతో ఈ సినిమా ప్రేక్షకులను థ్రిల్ చేయనుంది. ఇక ఈ సినిమా నుంచి మేకర్స్ తాజాగా ట్రైలర్‌ను రిలీజ్ చేశారు.
ఈ ట్రైలర్‌ను చాలా పవర్‌ఫుల్‌గా కట్ చేశారు చిత్ర యూనిట్. ఓ తెగకు సంబంధించిన నాయకుడిగా బాబీ డియోల్ మిగతా తెగలను శాసించాలనే ఉద్ధేశ్యంతో వారిపై దాడి చేస్తుంటాడు. బాబీ డియోల్ లుక్‌ను పవర్‌ఫుల్‌గా ప్రెజెంట్ చేశారు మేకర్స్. ఇక హీరో సూర్య కూడా ఓ తెగకు చెందిన నాయకుడిగా, తన తెగను కాపాడుకునేందుకు చేసే యుద్ధాన్ని మనకు ఈ సినిమాలో చూపెట్టబోతున్నారు. సూర్య లుక్స్ కూడా చాలా పవర్‌ఫుల్‌గా ఉన్నాయి.
ఈ ట్రైలర్ ఆద్యంతం ఆకట్టుకునేలా ఉండటం.. దేవిశ్రీ ప్రసాద్ అద్భుతమైన సంగీతం కలగలిసి ‘కంగువా’ మూవీపై అంచనాలను అమాంతం పెంచేశాయి. ఇక ఈ సినిమాలో బాలీవుడ్ భామ దిశా పటానీ హీరోయిన్‌గా నటిస్తోంది. స్టూడియో గ్రీన్, యూవీ క్రియేషన్స్ బ్యానర్లు ప్రొడ్యూస్ చేస్తున్న ఈ అడ్వెంచరస్ మూవీ అక్టోబర్ 10న గ్రాండ్ రిలీజ్‌కి రెడీ అయ్యింది.
