మాస్ మహారాజ రవితేజ హీరోగా, దర్శకుడు హరీష్ శంకర్ దర్శకత్వంలో తెరకెక్కిన మాస్ యాక్షన్ ఎంటర్టైనర్ మిస్టర్ బచ్చన్. ఆగస్టు 15 వ తేదీన వరల్డ్ వైడ్ గా థియేటర్లలో రిలీజ్ కి రెడీ అయ్యింది. ఐతే, మిస్టర్ బచ్చన్ సినిమాతో భాగ్యశ్రీ బోర్సే హీరోయిన్ గా టాలీవుడ్ లోకి పరిచయం కాబోతుంది. ప్రస్తుతం ఈ సినిమా ప్రమోషన్ యాక్టివిటీస్ జోరుగా నడుస్తున్నాయి.
తాజాగా ఇచ్చిన ఓ ఇంటర్వ్యూలో భాగ్యశ్రీ బోర్సే మిస్టర్ బచ్చన్ గురించి మాట్లాడుతూ.. ‘మిస్టర్ బచ్చన్ పూర్తి కథని దర్శకుడు హరీష్ శంకర్ తనకు నేరేట్ చేయలేదని ఆమె క్లారిటీ ఇచ్చింది. కేవలం తన క్యారెక్టర్ కి సంబంధించిన అవుట్ లైన్ మాత్రమే దర్శకుడు చెప్పారని ఆమె చెప్పుకొచ్చింది. ఓ విధంగా హరీష్ శంకర్ తనకి గురువు అని భాగ్యశ్రీ చెప్పింది.
హరీష్ శంకర్ స్క్రీన్ పై తనని చాలా అందంగా చూపించారని తెలిపింది. స్క్రీన్ మీద నేను ఎలా కనిపించిన దాని కంప్లీట్ క్రెడిట్ అంతా హరీష్ శంకర్ కే దక్కుతుందని భాగ్యశ్రీ చెప్పింది.
