ఈ ఏడాది దేవర నామ సంవత్సరం అని అనడంలో ఎలాంటి సందేహం లేదు. యంగ్ టైగర్ ఎన్టీఆర్ హీరోగా, కొరటాల శివ దర్శకత్వంలో తెరకెక్కుతున్న ఈ మాస్ యాక్షన్ ఎంటర్టైనర్ సెప్టెంబర్ 27, 2024 న థియేట్రికల్ రిలీజ్ కి రెడీ అవుతోంది. ఈ చిత్రం నుండి రిలీజైన ప్రచార చిత్రాలు మంచి రెస్పాన్స్ ను సొంతం చేసుకున్నాయి. రిలీజైన రెండు పాటలకి ఆడియెన్స్ ఫిదా అయిపోయారు. సెకండ్ సింగిల్ చుట్టమల్లె సాంగ్ కి మాత్రం వేరే లెవెల్లో రెస్పాన్స్ వస్తోంది.
మిలియన్స్ లో వ్యూస్ వస్తుండగా, రీల్స్ కూడా అదే రేంజ్ లో వస్తున్నాయి. దాదాపు 2 లక్షలకు పైగా రీల్స్ వచ్చాయి ఈ పాటకి. రామజోగయ్య శాస్త్రి ఈ పాటకి లిరిక్స్ రాయగా, శిల్పా రావు వోకల్స్ అందించారు. అనిరుధ్ రవి చందర్ ఈ చిత్రానికి సంగీతం అందిస్తున్నారు. బాలీవుడ్ బ్యూటీ జాన్వీ కపూర్ హీరోయిన్ గా నటిస్తున్న ఈ చిత్రంలో బాలీవుడ్ స్టార్ యాక్టర్ సైఫ్ అలీఖాన్ విలన్ పాత్రలో నటిస్తున్నాడు.
