వాల్ట్ డిస్నీ బ్యానర్‌లో వచ్చిన ‘ది లయన్ కింగ్’ సినిమా గురించి అందరికీ తెలిసిందే. ఆ సినిమాకు వరల్డ్‌వైడ్‌గా అభిమానులు ఉన్నారు. ఇక ఇప్పుడు ఈ ఫ్రాంచైజ్‌లోని కొత్త సినిమాగా ‘ముఫాసా: ది లయన్ కింగ్’ ప్రేక్షకులను అలరించేందుకు రాబోతుంది. ఈ సినిమాను భారత్‌లోనూ పలు భాషల్లో రిలీజ్ చేయనున్నారు.
కాగా, హిందీలో ముఫాసా మూవీకి బాలీవుడ్ స్టార్ హీరో షారుఖ్ ఖాన్ వాయిస్ ఇవ్వనున్నాడు. ఈ సినిమాలోని ప్రధాన పాత్ర ‘ముఫాసా’కి షారుక్ డబ్బింగ్ చెబుతున్నారు. ఇక మరో విశేషమేమిటంటే.. ఈ సినిమాలో షారుఖ్ ఖాన్ కుమారులు ఆర్యన్, అబ్రమ్ లు కూడా తమ వాయిస్ ఓవర్ ఇచ్చారు. సింబా పాత్రకి ఆర్యన్ డబ్బింగ్ చెప్పగా, ముఫాసా చిన్నతనంలోని పాత్రకు అబ్రమ్ ఖాన్ డబ్బింగ్ చెప్పారు.
వారు డబ్బింగ్ చెప్పిన హిందీ ట్రైలర్‌ను మేకర్స్ రిలీజ్ చేయగా, దానికి ప్రేక్షకుల నుంచి మంచి రెస్పాన్స్ దక్కుతోంది. ఈ సినిమాను డిసెంబర్ 20న గ్రాండ్ రిలీజ్ చేయబోతున్నారు.
