విక్రాంత్ మస్సీ ప్రధాన పాత్రలో, దర్శకుడు విధు వినోద్ చోప్రా దర్శకత్వంలో తెరకెక్కిన బయోగ్రాఫికల్ డ్రామా 12th ఫెయిల్. వినోద్ చోప్రా ఫిల్మ్స్ బ్యానర్ పై నిర్మించిన ఈ చిత్రం థియేటర్ల లో రిలీజ్ అయ్యి ప్రేక్షకులను విశేషం గా ఆకట్టుకుంది. ఈ చిత్రం బాక్సాఫీస్ వద్ద మంచి వసూళ్లను రాబట్టింది. డిజిటల్ ప్రీమియర్ గా కూడా సూపర్ రెస్పాన్స్ ను కొల్లగొట్టిన ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
ఈ చిత్రం యొక్క శాటిలైట్ హక్కులను సొంతం చేసుకున్న ప్రముఖ టీవీ ఛానల్ స్టార్ మా లో వచ్చే ఆదివారం మధ్యాహ్నం 1:00 గంటలకి 12th ఫెయిల్ మూవీ ప్రసారం కానుంది. శాంతాను మోయిత్రా సంగీతం అందించిన ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.
