టాలీవుడ్ లో రీ-రిలీజ్ ట్రెండ్ కొనసాగుతుంది. ఇప్పటికే పలువురు స్టార్ హీరోల చిత్రాలు రీ-రిలీజ్ అయ్యి ప్రేక్షకులను, అభిమానులని విశేషంగా ఆకట్టుకున్నాయి. కొన్ని చిత్రాలు రిలీజ్ కి వచ్చిన కలెక్షన్స్ కంటే కూడా రీ-రిలీజ్ కి ఎక్కువగా వచ్చాయి. ఇప్పుడు కింగ్ నాగార్జున ప్రధాన పాత్రలో, ప్రముఖ నటుడు, కొరియోగ్రాఫర్ రాఘవ లారెన్స్ దర్శకత్వంలో తెరకెక్కిన “మాస్” చిత్రం రీ-రిలీజ్ కి రెడీ అయిపోయింది.
ఆగస్టు 28 వ తేదీన ఈ చిత్రం మళ్ళీ థియేటర్ల లోకి రానుంది. నాగార్జున అక్కినేని పుట్టిన రోజు సందర్భంగా సినిమా మళ్ళీ రిలీజ్ కానుంది. జ్యోతిక, ఛార్మి, రఘువరన్, రాహుల్ దేవ్ తదితరులు కీలక పాత్రల్లో నటించిన ఈ చిత్రానికి రాక్ స్టార్ దేవి శ్రీ ప్రసాద్ సంగీతం అందించారు. ఈ చిత్రం రీ-రిలీజ్ కి ఎలాంటి రెస్పాన్స్ ను సొంతం చేసుకుంటుందో చూడాలి.
