ఎనర్జిటిక్ యాక్టర్ రామ్ పోతినేని – డాషింగ్ డైరెక్టర్ పూరి జగన్నాథ్ కలయికలో ‘డబుల్ ఇస్మార్ట్’ సినిమా రాబోతున్న సంగతి తెలిసిందే. ఈ సినిమా ఈ నెల 15న భారీ స్థాయిలో ప్రేక్షకుల ముందుకు రాబోతుంది. ఐతే, తాజాగా ఈ సినిమా క్లైమాక్స్ పై ఓ క్రేజీ రూమర్ వినిపిస్తోంది. ఈ క్లైమాక్స్ ప్రతి ఒక్కరు థ్రిల్‌ అయ్యే ఎలిమెంట్స్ తో ఉంటుందని.. పైగా పోకిరి సినిమా క్లైమాక్స్ లోని డబుల్ ట్విస్ట్ రేంజ్ లో.. ‘డబుల్ ఇస్మార్ట్’లో కూడా పూరి ఓ అదిరిపోయే డబుల్ ట్విస్ట్ ను డిజైన్ చేశాడని, ఊహకందని ఈ ట్విస్ట్ లు ప్రేక్షకులను నిజంగానే సర్ ప్రైజ్ చేస్తాయని తెలుస్తోంది.
అన్నట్టు, ఓవర్సీస్‌లో ఆగస్టు 14న ఈ సినిమా ప్రీమియర్ షోలు పడబోతున్నాయి. అయితే, ఆగస్టు 15న రవితేజ నటిస్తోన్న ‘మిస్టర్ బచ్చన్’ మూవీ కూడా విడుదల కాబోతుంది. అయినప్పటికీ, ఇస్మార్ట్ శంకర్ కి సీక్వెల్ గా తెరకెక్కుతున్న ఈ డబుల్ ఇస్మార్ట్ పై ఇప్పటికే భారీ అంచనాలు ఉన్నాయి. పూరి కనెక్ట్స్ బ్యానర్ పై పూరి జగన్నాథ్ ఈ చిత్రాన్ని గ్రాండ్ గా నిర్మిస్తున్నారు.
ఈ సినిమా తెలుగు, తమిళం, కన్నడ, మలయాళం మరియు హిందీ భాషల్లో విడుదల కానుంది. పైగా ఇస్మార్ట్ శంకర్ రామ్ కెరీర్‌ లోనే అత్యధిక వసూళ్లు రాబట్టింది. మరి, డబుల్ ఇస్మార్ట్ ఏ రేంజ్ లో సక్సెస్ అవుతుందో చూడాలి.
