టాలీవుడ్ స్టార్ యాక్టర్, మాస్ మహారాజ రవితేజ హీరోగా నటించిన లేటెస్ట్ యాక్షన్ ఎంటర్టైనర్ మిస్టర్ బచ్చన్. హరీష్ శంకర్ దర్శకత్వంలో తెరకెక్కిన ఈ చిత్రంలో భాగ్యశ్రీ బోర్సే హీరోయిన్ గా నటించగా, పీపుల్ మీడియా ఫ్యాక్టరీ వారు నిర్మాణం వహించారు. ఈ చిత్రం ప్రీ రిలీజ్ ఈవెంట్ ను మేకర్స్ కర్నూల్ లో చాలా గ్రాండ్ గా నిర్వహించారు. ఈ వేడుక లో మాస్ మహారాజ రవితేజ మాట్లాడుతూ, పలు ఆసక్తికర వ్యాఖ్యలు చేశారు.
సినిమా కోసం ఎంతో హార్డ్ వర్క్ చేసిన సాంకేతిక నిపుణులకి థాంక్స్ తో పాటుగా, ఆల్ ది బెస్ట్ తెలిపారు. హరీష్ శంకర్ దర్శకత్వంలో తెరకెక్కిన మిస్టర్ బచ్చన్ హ్యాట్రిక్ కి శ్రీకారం అవ్వాలి అని అన్నారు. హీరోయిన్ భాగ్యశ్రీ ఈ చిత్రంలో చాలా బాగా పర్ఫామ్ చేసింది అని, డబ్బింగ్ కూడా తనే చెప్పింది అంటూ చెప్పుకొచ్చారు. షాక్ చిత్రం ఫ్లాప్ గా నిలిచిన విషయాన్ని స్టేజ్ పై ప్రస్తావించారు. ఈ విధంగా మిస్టర్ బచ్చన్ బ్లాక్ బస్టర్ కావాలని ఆకాంక్షించారు. సినిమా ఆగస్టు 14 వ తేదీన ప్రీమియర్ల ద్వారా ప్రేక్షకుల ముందుకు రాబోతోంది అని, బుకింగ్స్ ప్రారంభం అయ్యాయి అని పేర్కొన్నారు.
