“ఓజి” లుక్స్ లోకి వచ్చేసిన పవన్..

పవర్ స్టార్ పవన్ కళ్యాణ్ ఇప్పుడు ఒత్తి పవన్ కళ్యాణ్ మాత్రమే కాకుండా డిప్యూటీ సీఎం పవన్ కళ్యాణ్ అని కూడా తెలిసిందే. ఇలా ఇప్పుడు పవన్ తన సినిమాలు కొన్ని నెలలు పక్కన పెట్టి తన ఉప ముఖ్యమంత్రి పదవిలో బిజీగా ఉన్నారు. అయితే పవన్ నటించిన లేటెస్ట్ చిత్రాల్లో మూడు ఆల్రెడీ సెట్స్ మీద ఉండగా వాటిని త్వరలోనే స్టార్ట్ చేస్తాను అని మేకర్స్ కి ప్రామిస్ చేసినట్టుగా టాక్ వచ్చింది.

అలా మొదటి వరుసలో అయితే తన భారీ చిత్రం “ఓజి” నే మొదలు పెట్టనున్నట్టుగా టాక్ రాగా ఇప్పుడు సరిగ్గా ఇదే లుక్ లోకి పవన్ మారి కనిపించడం వైరల్ గా మారింది. ఏపీలో గవర్నమెంట్ సంబంధించి పనుల్లో పాల్గొన్న పవన్ కళ్యాణ్ కొత్త లుక్ ఇపుడు బయటకి వచ్చింది. దీనితో ఈ లుక్ లో మాత్రం మళ్ళీ పవన్ ఓజి లుక్ లోకి మారిపోయారు అని చెప్పాలి.

అయితే ఓజి సినిమా స్టార్ట్ అవ్వడానికి కొంచెం సమయం ఉందని రూమర్స్ ఉన్నాయి. అక్టోబర్ మొదటి నుంచి అలా పవన్ ఓజి ని రీస్టార్ట్ చేయనుండగా అక్కడ నుండి రెండు వారాల మేర డేట్స్ ని తాను ఇచ్చినట్టుగా తెలుస్తుంది. మరి ఈ కొత్త మేకోవర్ మాత్రం ఇప్పుడు ఫ్యాన్స్ లో వైరల్ గా మారింది.