మెగా డాటర్ నిహారిక కొణిదెల నిర్మాతగా మారి చేసిన సినిమా ‘కమిటీ కుర్రోళ్ళు’ ఇటీవల రిలీజ్ అయ్యి బాక్సాఫీస్ దగ్గర మంచి విజయాన్ని అందుకుంది. దర్శకుడు యదు వంశీ పూర్తి యూత్‌ఫుల్ ఎంటర్‌టైనర్‌గా ‘కమిటీ కుర్రోళ్ళు’ చిత్రాన్ని తెరకెక్కించడంతో ఈ సినిమా ప్రేక్షకులను ఆకట్టుకోవడంలో విజయం అందుకుంది. ఇక ఈ సినిమాకు మంచి మౌత్‌టాక్‌తో పాటు పాజిటివ్ రివ్యూలు రావడంతో ఈ సినిమాను చూసేందుకు ఆడియన్స్ థియేటర్లు వెళ్లారు.
‘కమిటీ కుర్రోళ్ళు’ బ్లాక్‌బస్టర్ టాక్‌ను సొంతం చేసుకోవడంతో ఇండస్ట్రీలోని పలువురు స్టార్స్ నిహారిక అండ్ టీమ్‌కి విషెస్ చెబుతున్నారు. రీసెంట్‌గా సూపర్ స్టార్ మహేష్ బాబు కూడా ‘కమిటీ కుర్రోళ్ళు’ చిత్రంపై ప్రశంసలు కురిపించారు. తాజాగా గ్లోబల్ స్టార్ రామ్ చరణ్ ‘కమిటీ కుర్రోళ్ళు’ సక్సెస్‌పై చిత్ర యూనిట్‌ను అభినందించారు. ‘‘కమిటీ కుర్రోళ్ళు మాసివ్ సక్సెస్‌కు అభినందనలు నిహారిక తల్లి.. నీ హార్డ్ వర్క్, డెడికేషన్‌కు నీకు ఈ సక్సెస్ రావడం సంతోషంగా ఉంది. చిత్ర యూనిట్‌కు హ్యాట్సాఫ్.. ముఖ్యంగా దర్శకుడు యదు వంశీ ఈ కథకు ప్రాణం పోసిన తీరు అద్భుతం’’ అంటూ రామ్ చరణ్ తన విషెస్ తెలిపాడు.
ఇక కమిటీ కుర్రోళ్ళు చిత్రంలో భారీ క్యాస్టింగ్ ఉండగా, దాదాపు అందరూ కొత్తవారే నటించారు. ఈ సినిమాకు అనుదీప్ దేవ్ సంగీతం అందించాడు. ఈ సినిమా బాక్సాఫీస్ దగ్గర మంచి వసూళ్లతో రన్ అవుతుండటంతో మేకర్స్ సంతోషం వ్యక్తం చేస్తున్నారు.
Congratulations on the massive success of *Committe Kurrollu* Niharika Thalli ! The is well-deserved !! Your hard work and dedication, along with your team are truly inspiring. Kudos to the entire cast and crew for their incredible effort, and a special shoutout to the director… pic.twitter.com/Up6bSQDqPU
— Ram Charan (@AlwaysRamCharan) August 13, 2024
