తెలుగు ఇండియన్ ఐడల్‌లో నాని.. సరిపోదా ఈ ఉత్సాహం!

నేచురల్ స్టార్ నాని నటిస్తున్న తాజా చిత్రం ‘సరిపోదా శనివారం’ ఇప్పటికే షూటింగ్ పనులు ముగించుకుని రిలీజ్‌కు రెడీ అయ్యింది. ఈ సినిమాను దర్శకుడు వివేక్ ఆత్రేయ పూర్తి మాస్ యాక్షన్ ఎంటర్‌టైనర్‌గా తెరకెక్కించడంతో ఈ సినిమాను ఎప్పుడెప్పుడు చూద్దామా అని అభిమానులు ఎంతో ఆసక్తిగా ఎదురుచూస్తున్నారు. ఇక ఈ సినిమా ప్రమోషన్స్‌లో చిత్ర యూనిట్ బిజీగా ఉంది.

ఇందులో భాగంగా నేచురల్ స్టార్ నాని ప్రముఖ ఓటీటీ ప్లాట్‌ఫామ్ ఆహాలో స్ట్రీమింగ్ అవుతున్న తెలుగు ఇండియన్ ఐడల్ సీజన్-3 షోకు గెస్ట్‌గా వచ్చారు. ట్యాలెంటెడ్ సింగర్స్ మధ్య పోటీని ఆయన దగ్గరుండి వీక్షించబోతున్నారు. అంతేగాక సరిపోదా శనివారం మూవీకి సంబంధించి కూడా నాని పలు ఇంట్రెస్టింగ్ విషయాలను వెల్లడించనున్నారు. ఇక ఈ కార్యక్రమానికి సంబంధించిన ఎపిసోడ్స్ ఆగస్టు 16, 17వ తేదీల్లో సాయంత్రం 7 గంటలకు స్ట్రీమింగ్ అవుతుంది.

‘సరిపోదా శనివారం’ మూవీలో నాని సరసన అందాల భామ ప్రియాంక మోహన్ హీరోయిన్‌గా నటిస్తోండగా.. విలక్షణ నటుడు ఎస్.జె.సూర్య విలన్ పాత్రలో నటిస్తున్నాడు. జేక్స్ బిజాయ్ సంగీతం అందిస్తున్న ఈ సినిమాను డివివి దానయ్య ప్రొడ్యూస్ చేస్తున్నారు. ఇక ఈ సినిమాను ఆగస్టు 29న వరల్డ్‌వైడ్‌గా రిలీజ్ చేసేందుకు మేకర్స్ రెడీ అవుతున్నారు.