మాస్ మహారాజ రవితేజ టైటిల్ రోల్ లో నటించిన మిస్టర్ బచ్చన్ మూవీ థియేటర్ల లో రిలీజ్ కి రెడీ అయిపోయింది. ఆగస్టు 14 వ తేదీ సాయంత్రం నుండి ప్రీమియర్ షోలు ప్రారంభం కానున్నాయి. అయితే కొన్ని ప్రాంతాలకు మాత్రమే పరిమితం అయిన ఈ ప్రీమియర్ షోలు పబ్లిక్ డిమాండ్ మేరకు అదనంగా కొన్ని షోలు యాడ్ కానున్నాయి. రిలీజ్ కు ముందే ఈ తరహా రెస్పాన్స్ రావడం, సినిమా కచ్చితంగా విజయం సాధిస్తుంది అనే నమ్మకాన్ని ఇస్తుంది.
హరీష్ శంకర్ దర్శకత్వంలో తెరకెక్కిన ఈ చిత్రంలో భాగ్యశ్రీ బోర్సే హీరోయిన్ గా నటించగా, మిక్కీ జే మేయర్ సంగీతం అందించారు. పీపుల్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మించిన ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.
