మాస్ మహారాజ రవితేజ హీరోగా భాగ్యశ్రీ బోర్సే హీరోయిన్ గా దర్శకుడు హరీష్ శంకర్ తెరకెక్కించిన సాలిడ్ మాస్ ఎంటర్టైనర్ చిత్రమే “మిస్టర్ బచ్చన్”. మరి ఈ చిత్రాన్ని మేకర్స్ రైడ్ అనే హిందీ సినిమాకి రీమేక్ గా చేస్తున్న సంగతి తెలిసిందే. అలా ఈ స్వాతంత్ర దినోత్సవం కానుకగా రిలీజ్ కి తీసుకొస్తున్నారు.
అయితే ఈ మధ్య కాలంలో రీమేక్ చిత్రాలకి ఆడియెన్స్ నుంచి ఎలాంటి కామెంట్స్ వస్తున్నాయో అందరికంటే హరీష్ శంకర్ కే బాగా తెలుసు. అయితే ఈ మిస్టర్ బచ్చన్ విషయంలో మాత్రం తాను ఇచ్చిన పదునైన స్టేట్మెంట్ ఇప్పుడు వైరల్ గా మారింది. మామూలుగా ఓ రీమేక్ సినిమా ఎప్పుడూ ఒరిజినల్ ని చూడకుండా డైరెక్ట్ రీమేక్ ని చూసిన వారికే కొంచెం కొత్తగా అనిపిస్తుంది.
కానీ ఒరిజినల్ ని చూసి మరీ మా సినిమా చూడండి అంటూ ఏ దర్శకుడు కూడా చెప్పడు. కానీ ఈ సాలిడ్ స్టేట్మెంట్ ని హరీష్ ఇచ్చాడు. తాను తీసిన మిస్టర్ బచ్చన్ ని చూసే ముందు రైడ్ ని కూడా చూడండి. ఆల్రెడీ రైడ్ ని చూసినవారు కూడా మిస్టర్ బచ్చన్ ని చూడండి అంటూ కితాబిచ్చాడు. తాము ఎలాంటి మార్పులు చేర్పులు చేసామో అవన్నీ తప్పకుండా అందరికీ నచ్చుతాయి అని హరీష్ ధీమా వ్యక్తం చేసాడు.
