ఎప్పుడెప్పుడా అని ఎదురుచూస్తున్న నేచురల్ స్టార్ నాని ‘సరిపోదా శనివారం’ ట్రైలర్ మరికొద్ది నిమిషాల్లో రిలీజ్ కానుంది. ఈ ట్రైలర్ ఫైనల్ కట్‌ను ఇప్పటికే లాక్ చేశారు మేకర్స్. కాగా ఈ ట్రైలర్ కట్ కోసం చిత్ర యూనిట్ చాలా తీవ్రంగా కష్టపడినట్లుగా మేకర్స్ చెబుతున్నారు.
తాజాగా ఈ ట్రైలర్ ఎడిటింగ్ రూంలో హీరో నాని, దర్శకుడు వివేక్ ఆత్రేయ, మ్యూజిక్ డైరెక్టర్ జేక్స్ బిజాయ్ కలిసి శ్రమిస్తున్న ఫోటోను చిత్ర నిర్మాణ సంస్థ డివివి ఎంటర్‌టైన్‌మెంట్స్ పోస్ట్ చేసింది. ‘తుఫాను సృష్టించేందుకు వారు సిద్ధం.. దాని విజృంభన చూసేందుకు మీరు సిద్ధమవ్వండి’ అంటూ మేకర్స్ ఈ ఫోటోకు కాప్షన్ ఇచ్చారు.
