టాలీవుడ్‌లో హార్రర్ కామెడీ చిత్రాలకు ప్రేక్షకాదరణ ఎప్పుడూ ఉంటుంది. ఈ జోనర్‌లో చాలా సినిమాలు వచ్చినా కంటెంట్ ఆకట్టుకునేలా ఉంటే ఆడియెన్స్ ఆ చిత్రాలకు మంచి రిజల్ట్‌ను అందించారు. ఇక ఇదే కోవలో భారీ క్యాస్టింగ్‌తో రీసెంట్‌గా ఓ మంచి ఘోస్ట్(OMG) అనే సినిమా వచ్చింది. జూన్ 21న రిలీజ్ అయిన ఈ సినిమాపై మేకర్స్ మంచి అంచనాలు పెట్టుకున్నారు.
అయితే, సినిమా బాక్సాఫీస్ దగ్గర ప్రేక్షకులను ఆకట్టుకోవడంలో ఫెయిల్ అయ్యింది. అంతేగాక వారం తరువాత ‘కల్కి 2898 AD’ సినిమా కూడా బాక్సాఫీస్ దగ్గర ప్రభంజనం సృష్టించడంతో అసలు ఓ మంచి ఘోస్ట్ అనే సినిమా థియేటర్లలో రిలీజ్ అయ్యిందనే విషయమే చాలా మందికి తెలియకుండా పోయింది. ఇక ఇప్పుడు ఈ సినిమా ఓటీటీ ఆడియెన్స్‌ను ఎంటర్‌టైన్ చేసేందుకు సిద్ధమైంది.
స్వాతంత్ర్య దినోత్సవం సందర్భంగా ఆగస్టు 15 నుంచి ప్రముఖ ఓటీటీ ప్లాట్‌ఫామ్ ఆహాలో ఓ మంచి ఘోస్ట్ స్ట్రీమింగ్ కానుంది. ఈ సినిమాలో వెన్నెల కిషోర్, నందితా శ్వేత, షకలక శంకర్, నవమి గాయక్, నవీన్ నేని, రజత్ రాఘవ, రఘు బాబు తదితరులు ముఖ్య పాత్రల్లో నటించారు. శంకర్ కె మార్తాండ్ డైరెక్ట్ చేసిన ఈ సినిమాకు అనూప్ రూబెన్స్ సంగీతం అందించాడు. మరి ఓటీటీలో ఈ సినిమాకు ఎలాంటి రెస్పాన్స్ దక్కుతుందో చూడాలి.
