స్టార్ హీరో విక్టరీ వెంకటేష్ తన కొత్త సినిమా షూటింగ్‌లో తాజాగా జాయిన్ అయ్యాడు. దర్శకుడు అనిల్ రావిపూడి డైరెక్షన్‌లో ఇప్పటికే రెండు సినిమాల్లో నటించిన వెంకీ, ఇప్పుడు ముచ్చటగా మూడో సినిమాను తెరకెక్కిస్తున్నాడు. ఇక ఈ సినిమాను ట్రయాంగులర్ క్రైమ్ ఎంటర్‌టైనర్‌గా మేకర్స్ తెరకెక్కిస్తున్నారు. ఈ సినిమా షూటింగ్‌లో వెంకీ జాయిన్ అయిన సందర్భంగా మేకర్స్ ఓ వీడియోను రిలీజ్ చేశారు.
వెంకీ అనిల్ 3 అనే పేరుతో తెరకెక్కుతున్న ఈ చిత్ర షూటింగ్ కేరళలోని పొల్లాచిలో జరుగుతోంది. వెంకటేష్ ఓ అల్ట్రా స్టైలిష్ లుక్‌తో సెట్స్‌లోకి రావడం మనకు ఈ వీడియోలో కనిపిస్తుంది. ఆయన లుక్‌కి అభిమానులు ఫిదా అవుతున్నారు. వింటేజ్ వెంకటేష్‌ని చాలా కాలం తరువాత చూస్తున్నామని అభిమానులు అంటున్నారు.
ఈ సినిమాలో వెంకటేష్ ఓ ఎక్స్-కాప్ పాత్రలో నటిస్తున్నాడు. ఈ సినిమాలో అందాల భామలు మీనాక్షి చౌదరి, ఐశ్వర్య రాజేష్‌లు హీరోయిన్లుగా నటిస్తున్నారు. ఈ చిత్రాన్ని శ్రీ వెంకటేశ్వర క్రియేషన్స్ బ్యానర్‌పై దిల్ రాజు ప్రొడ్యూస్ చేస్తున్నారు. భీమ్స్ సిసిరోలియో సంగీతం అందిస్తున్న ఈ సినిమాను సంక్రాంతి కానుకగా రిలీజ్ చేయబోతున్నట్లు మేకర్స్ ప్రకటించారు.
