తెలుగు సినిమాలతో పోలిస్తే తమళ, మలయాళ భాషల్లో కొత్తదనం ఉన్న సినిమాలు కాస్త ఎక్కువగా తెరకెక్కుతుంటాయి. ఇక ఆ సినిమాలకు మనదగ్గర కూడా మంచి రెస్పాన్స్ దక్కుతుండటంతో ఆ సినిమాలను మన హీరోలు రీమేక్‌లు చేయడం మనం చూస్తుంటాం. అయితే, తాజాగా తమిళ్‌లో తెరకెక్కిన ఓ సినిమాలో ఓ సరికొత్త ప్రయోగానికి దారితీశారు మేకర్స్. హీరో శివకార్తికేయన్ నిర్మాతగా వ్యవహరిస్తూ ప్రొడ్యూస్ చేసిన సినిమా ‘కొట్టుకళి’. ఈ సినిమాలో మలయాళ నటి అన్నా బెన్ ఈ సినిమాలో లీడ్ రోల్‌లో నటిస్తోంది.
ఇక ఈ సినిమాకు సంబంధించిన ట్రైలర్‌ను రీసెంట్‌గా రిలీజ్ చేశారు. ఈ ట్రైలర్‌ను పరిశీలిస్తే, ఇందులో ఓ కోడి శబ్ధంతో పాటు దాని చుట్టూ ఉన్న సౌండ్స్‌తోనే ఈ ట్రైలర్ మొత్తం సాగుతుంది. మ్యూజిక్‌కి సంబంధించి ఎలాంటి సౌండ్ లేకపోవడం విశేషం. దీనికి కారణం ఏమిటంటే ఈ సినిమాకు మ్యూజిక్ డైరెక్టర్ లేడని తెలుస్తోంది. ఇలాంటి వెరైటీ ప్రయత్నం అందరి చూపులను ఆకట్టుకుంటోంది.
నటుడు సూరి హీరోగా నటిస్తున్న ఈ సినిమా ట్రైలర్ తమిళ ప్రేక్షకులను విపరీతంగా ఆకట్టుకుంటుంది. ఈ ట్రైలర్ క్రెడిట్స్‌లోనూ మ్యూజిక్ డైరెక్టర్ పేరు లేకపోవడం ఇప్పుడు టాక్ ఆఫ్ ది ఇండస్ట్రీగా మారింది. పీఎస్ వినోద్ రాజ్ డైరెక్ట్ చేసిన ఈ వినూత్నమైన సినిమా ఆగస్టు 23న రిలీజ్ అవుతుండటంతో బాక్సాఫీస్ దగ్గర ఇది ఎలాంటి విజయాన్ని అందుకుంటుందా అనే ఆసక్తి అభిమానుల్లో క్రియేట్ అయ్యింది.
