కోలీవుడ్ స్టార్ హీరో విజయ్ ప్రధాన పాత్రలో, దర్శకుడు వెంకట్ ప్రభు దర్శకత్వంలో తెరకెక్కుతున్న తాజా చిత్రం ది గోట్. ఈ చిత్రానికి సంబంధించిన ట్రైలర్ రిలీజ్ పై నేడు అప్డేట్ ఇవ్వనున్నట్లు మేకర్స్ ఇప్పటికే ప్రకటించారు. అయితే తాజాగా మరొక పోస్ట్ ను సోషల్ మీడియాలో షేర్ చేశారు. “నేను ఈరోజు ట్రైలర్ లాంఛ్ డేట్‌ని ప్రామిస్ చేశాను. మేము ఇంకా ఉత్తమ వెర్షన్‌ని మీ ముందుకు తీసుకురావడానికి కృషి చేస్తున్నాము. కాబట్టి త్వరలో మా థలపతిని స్క్రీన్‌పై చూడటానికి వేచి ఉండటానికి ఇక్కడ ఒక చిన్న ట్రీట్ ఉంది” అని ప్రొడ్యూసర్ అర్చన కల్పతి పేర్కొన్నారు. ట్రైలర్ రిలీజ్ పై వచ్చిన ఈ అప్డేట్ తో ఫ్యాన్స్ నిరాశ వ్యక్తం చేస్తున్నారు.
సినిమాలోని ప్రధాన నటీనటులు కలిసి ఉన్న ఇంట్రెస్టింగ్ పోస్టర్ ను విడుదల చేశారు. పోస్టర్ మాత్రం ఆడియెన్స్ ను విశేషం గా ఆకట్టుకుంటుంది. యంగ్ బ్యూటీ మీనాక్షి చౌదరి హీరోయిన్ గా నటిస్తున్న ఈ చిత్రంలో స్నేహ, లైలా, ప్రశాంత్, ప్రభుదేవా, యోగి బాబు, జయరామ్, మోహన్, వైభవ్, వీటీవీ గణేష్, అజ్మల్ అమీర్, మనోబాల కీలక పాత్రల్లో కనిపించనున్నారు. యువన్ శంకర్ సంగీతం అందిస్తున్న ఈ చిత్రం సెప్టెంబర్ 5న థియేటర్లలోకి రానుంది.
I promised a Trailer launch date today. We are still working on bringing the best version to you ❤️???? So here is a small treat for Waiting to see our #Thalapathy on screen very soon #ThalapathyFansForever ❤️#GOAT pic.twitter.com/HhY5Dn2u5u
— Archana Kalpathi (@archanakalpathi) August 14, 2024
